ഐ.എസ് ബന്ധമെന്ന് സംശയം: കോഴിക്കോട് സ്വദേശിക്കെതിരെ കേസെടുത്തു

മലപ്പുറം: ഇസ്ലാമിക് സ്റ്റേറ്റ് (ഐ.എസ്) ഭീകരസംഘടനയുമായി ബന്ധപ്പെട്ട സംഭവത്തില്‍ കേരളത്തില്‍ ആദ്യ എഫ്.ഐ.ആര്‍ രജിസ്റ്റര്‍ ചെയ്തു. കരിപ്പൂര്‍ പൊലീസാണ് കോഴിക്കോട് സ്വദേശി റിയാബുറഹ്മാനെതിരെ എഫ്.ഐ.ആര്‍ രജിസ്റ്റര്‍ ചെയ്തത്.   സാമൂഹ്യ മാധ്യമങ്ങള്‍ വഴി ആളുകളെ ഐ.എസിലേക്ക് റിക്രൂട്ട് ചെയ്യാന്‍ ശ്രമിച്ചതിനാണ്  കേസെടുത്തിരിക്കുന്നതെന്ന് പൊലീസ് പറയുന്നു. എഫ്.ഐ.ആര്‍ രജിസ്റ്റര്‍ ചെയ്തെന്നും അന്വേഷണം നടക്കുകയാണെന്നും ജില്ലാപൊലീസ് മേധാവി ദേബേഷ് കുമാര്‍ പറഞ്ഞു. മാസങ്ങള്‍ക്ക് മുമ്പ് യു.എ.ഇ.യിലെ റാസല്‍ ഖൈമയിലെ ജോലി സ്ഥലത്ത് നിന്ന് കാണാതായ റിയാബിനെക്കുറിച്ച് യു.എ.ഇ പോലീസാണ് കേരള പോലീസിന് വിവരം കൈമാറിയത്. ഇയാള്‍ ഇപ്പോള്‍ സിറിയയിലാണന്നാണ് സൂചനയെന്ന് പൊലീസ് പറയുന്നു.