എസ്.എന്‍.ഡി.പി ആര്‍.എസ്.എസിനൊപ്പം പോകുമെന്ന് കരുതുന്നില്ല -ഉമ്മന്‍ചാണ്ടി

ചെന്നൈ: എസ്.എന്‍.ഡി.പിക്കെതിരെ കെ.പി.സി.സി പ്രസിഡന്‍റ് വി.എം സുധീരന്‍ നടത്തിയ പ്രസ്താവനയെ തള്ളി മുഖ്യമന്ത്രി ഉമ്മന്‍ചാണ്ടി. എസ്.എന്‍.ഡി.പി ആര്‍.എസ്.എസിനൊപ്പം പോകുമെന്ന് കരുതുന്നില്ളെന്ന് ഉമ്മന്‍ചാണ്ടി പറഞ്ഞു. എസ്.എന്‍.ഡി.പി സംഘ്പരിവാറിന്‍റെ കാവല്‍ക്കാരായി മാറുന്നുവെന്ന കെ.പി.സി.സി പ്രസിഡന്‍റ് വി.എം.സുധീരന്‍െറ പ്രസ്താവനയോട് പ്രതികരിക്കുകയായിരുന്നു അദ്ദേഹം.

തോട്ടം തൊഴിലാളികളുടെ കൂലികാര്യത്തില്‍ സര്‍ക്കാര്‍ കാഴ്ച്ചക്കാരായി ഇരിക്കില്ളെന്നും മുഖ്യമന്ത്രി പറഞ്ഞു. വയനാട്ടിലെ തോട്ടം തൊഴിലാളികളുടെ പ്രശ്നത്തില്‍ സാഹചര്യം അനുസരിച്ച് തീരുമാനം എടുക്കും.  വ്യവസായത്തിനും തൊഴിലാളികള്‍ക്കും അര്‍ഹമായത് ലഭിക്കാന്‍ ആവശ്യമായത് ചെയ്യുമെന്നും മുഖ്യമന്ത്രി കൂട്ടിച്ചേര്‍ത്തു.