കണ്‍സ്യൂമര്‍ ഫെഡ്: അഴിമതി ആരോപണങ്ങള്‍ക്കു പിന്നില്‍ ഗ്രൂപ്പുകളിയെന്ന് ജോയ് തോമസ്

കൊച്ചി:  അഴിമതി ആരോപണത്തിനു പിന്നില്‍ ഗ്രൂപ്പുകളിയാണെന്ന് കണ്‍സ്യൂമര്‍ഫെഡ് പ്രസിഡന്‍റ് ജോയ് തോമസ്. കണ്‍സ്യൂമര്‍ഫെഡില്‍ അഴിമതിയാണെന്ന് ചൂണ്ടിക്കാട്ടി തച്ചങ്കരി നല്‍കിയ റിപ്പോര്‍ട്ട് കളവാണ്. ഏത് അന്വേഷണത്തെയും നേരിടാന്‍ തയാറാണെന്നും അദ്ദേഹം പറഞ്ഞു. രമേശ് ചെന്നിത്തല പ്രത്യേകം പറഞ്ഞതുകൊണ്ടാണ് താന്‍ ഈ സ്ഥാനം ഏറ്റെടുത്തത്. കോണ്‍ഗ്രസ് നേതൃത്വം ആവശ്യപ്പെട്ടാല്‍ രാജിവെക്കാന്‍ തയാറാണെന്നും ജോയ് തോമസ് പറഞ്ഞു.

കണ്‍സ്യൂമര്‍ ഫെഡിലെ അഴിമതി  ചൂണ്ടിക്കാട്ടി മുന്‍. എം.ഡി തച്ചങ്കരി മുഖ്യമന്ത്രിക്ക്  റിപ്പോര്‍ട്ട് നല്‍കിയിരുന്നു. തുടര്‍ന്ന് ജായ് തോമസിനെ നീക്കണമെന്ന് ആവശ്യപ്പെട്ട്  കെ.പി.സി.സി പ്രസിഡന്‍റ് വി.എം. സുധീരന്‍ മുഖ്യമന്ത്രിക്ക് കത്ത് നല്‍കിയിരുന്നു. മാധ്യമങ്ങള്‍ക്ക് നല്‍കിയ അഭിമുഖത്തിലാണ്  ജോയ് തോമസ് നിലപാട് വ്യക്തമാക്കിയത്.

തച്ചങ്കരിയുടെ ട്രാക്ക് റെക്കൊഡ് എല്ലാവര്‍ക്കും അറിയാം.  അഴിമതി ആരോപണവുമായി ബന്ധപ്പെട്ട് സമഗ്ര അന്വേഷണം വേണം. ചട്ടം അനുസരിച്ചും സര്‍ക്കാര്‍ നിര്‍ദേശം അനുസരിച്ചുമാണ് താന്‍ പ്രവര്‍ത്തിച്ചത്.  പ്രസിഡന്‍റ് സ്ഥാനത്ത് കടിച്ചു തൂങ്ങി കിടക്കാനില്ളെന്നും ജോയ് തോമസ് പറഞ്ഞു.