തോട്ടം തൊഴിലാളി സമരം; ചര്ച്ച തുടങ്ങി
text_fields
കൊച്ചി: മൂന്നാര് തോട്ടം തൊഴിലാളികളുടെ സമരം തീര്ക്കുന്നതിനുള്ള മന്ത്രിതല ചര്ച്ച എറണാകുളം സര്ക്കാര് ഗസ്റ്റ് ഹൗസില് തുടങ്ങി. ആദ്യഘട്ടത്തില് മാനേജ്മെന്റ് പ്രതിനിധികളുമായി തൊഴില് മന്ത്രി ഷിബു ബേബിജോണ് ചര്ച്ച നടത്തി. അതിനു ശേഷം തൊഴിലാളി പ്രതിനിധികള് ചര്ച്ചക്കായി കയറിയിരിക്കുകയാണ്. രാഷ്ട്രീയ പാര്ട്ടികളെയും തൊഴിലാളി യൂണിയനുകളെയും തങ്ങള്ക്ക് വിശ്വാസമില്ളെന്നും 20 ശതമാനം ബോണസും പ്രതിദിനം 500 രൂപ കൂലിയും എന്ന മിനിമം ആവശ്യം മാത്രമാണ് തങ്ങള്ക്കുള്ളതെന്നും അതില് വിട്ടു വീഴ്ചക്കില്ളെന്നും ചര്ച്ചക്കു കയറുന്നതിന് മുമ്പ് തൊഴിലാളി പ്രതിനിധികള് മാധ്യമ പ്രവര്ത്തകരോട് വ്യക്തമാക്കി. ചര്ച്ച നടക്കുന്ന ഗസ്റ്റ് ഹൗസിനു മുന്നില് സാഹിത്യകാരി സാറാ ജോസഫിന്െറ നേതൃത്വത്തില് ആം ആദ്മി പാര്ട്ടി പ്രവര്ത്തര് പ്രതിഷേധവുമായി എത്തി. ഇന്ന് പ്രശ്ന പരിഹാരം ഉണ്ടായില്ളെ ങ്കില് നാളെ മുതല് താന് മൂന്നാറില് തങ്ങുമെന്നും സാറാജോസഫ് വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.