കണ്‍സ്യൂമര്‍ഫെഡ് ചെയര്‍മാനെ മാറ്റേണ്ടതില്ല -കെ.മുരളീധരന്‍

തിരുവനന്തപുരം: കണ്‍സ്യൂമര്‍ഫെഡ് ചെയര്‍മാന്‍ ജോയ് തോമസിനെ തല്‍സ്ഥാനത്തു നിന്ന് മാറ്റേണ്ട സാഹചര്യം ഇപ്പോഴില്ലെന്ന് കോണ്‍ഗ്രസ് നേതാവ് കെ.മുരളീധരന്‍ എം.എല്‍.എ. ചെയര്‍മാനെതിരെ ഉയര്‍ന്ന ആരോപണങ്ങളെ പറ്റി ആദ്യം അന്വേഷണം നടക്കട്ടെ. കുറ്റക്കാരനാണെന്ന് അന്വേഷണത്തില്‍ തെളിഞ്ഞാല്‍ മാത്രം നടപടിയെടുത്താല്‍ മതിയെന്നും മുരളീധരന്‍ പറഞ്ഞു.

കണ്‍സ്യൂമര്‍ഫെഡ് എം.ഡിയെ മാറ്റണമെന്ന് ആവശ്യപ്പെട്ട് കെ.പി.സി.സി പ്രസിഡന്‍റ് വി.എം സുധീരന്‍ മുഖ്യമന്ത്രിക്ക് കത്ത് നല്‍കിയിരുന്നു. ഇതിന് പിന്നാലെയാണ് മുരളീധരന്‍ നടപടിയാവശ്യമില്ല എന്ന് പറഞ്ഞ് രംഗത്തുവന്നിരിക്കുന്നത്. സുധീരന്‍റെ കത്ത് കോണ്‍ഗ്രസ് ചര്‍ച്ച ചെയ്യുമെന്ന് നേരത്തെ മുഖ്യമന്ത്രി ഉമ്മന്‍ചാണ്ടിയും പ്രതികരിച്ചിരുന്നു.