തച്ചങ്കരിയെ കണ്‍സ്യൂമര്‍ഫെഡില്‍ നിന്ന് മാറ്റുന്നത് പുന:പരിശോധിക്കും -മുഖ്യമന്ത്രി

തിരുവനന്തപുരം: ടോമിന്‍ തച്ചങ്കരിയെ കണ്‍സ്യൂമര്‍ഫെഡ് എം.ഡി.സ്ഥാനത്ത് നിന്ന് മാറ്റുന്നത് പുന:പരിശോധിക്കുമെന്ന് മുഖ്യമന്ത്രി ഉമ്മന്‍ ചാണ്ടി. ജീവനക്കാരുടെ ആവശ്യം പരിഗണിക്കാമെന്നും നാളെ ഇക്കാര്യം ചര്‍ച്ച ചെയ്യുമെന്നും മുഖ്യമന്ത്രി ഉറപ്പ് നല്‍കിയതായും ജീവനക്കാരുടെ പ്രതിനിധികള്‍ അറിയിച്ചു.

തച്ചങ്കരിയെ മാറ്റരുതെന്ന് ആവശ്യപ്പെട്ട് കണ്‍സ്യൂമര്‍ഫെഡ് ജീവനക്കാര്‍ കെ.പി.സി.സി ആസ്ഥാനത്തത്തെി മുഖ്യമന്ത്രിയെ കണ്ടാണ് ആവശ്യപ്പെട്ടത്. കെ.പി.സി.സി വിശാല എക്സിക്യൂട്ടീവ് നടക്കുന്ന ഇന്ദാരാഭവനിലേക്ക് പ്രകടനമായാണ് ജീവനക്കാര്‍ എത്തിയത്.

മുഖ്യമന്ത്രി എത്തുന്നതിന് മുമ്പ് ഇക്കാര്യമാവശ്യപ്പെട്ട് ആഭ്യന്തര മന്ത്രി രമേശ് ചെന്നിത്തലയേയും എക്സൈസ് വകുപ്പ് മന്ത്രി കെ.ബാബുവിനേയും ജീവനക്കാര്‍ കണ്ടിരുന്നു. എന്നാല്‍, ജീവനക്കാര്‍ കെ.പി.സി.സി ആസ്ഥാനത്തത്തെിയത് ഉചിതമായില്ളെന്ന് രമേശ് ചെന്നിത്തലയും മന്ത്രി കെ. ബാബുവും പ്രതികരിച്ചു.