ന്യൂമാന്‍ കോളേജ് അതിക്രമം: കെ.എസ്.യു ജില്ലാ പ്രസിഡന്‍റിന് സസ്പെന്‍ഷന്‍

തൊടുപുഴ: വ്യാഴാഴ്ച തൊടുപുഴ ന്യൂമാന്‍ കോളേജിലുണ്ടായ അതിക്രമങ്ങളുമായി ബന്ധപ്പെട്ട് കെ.എസ്.യു പ്രസിഡന്‍റിന് സസ്പെന്‍ഷന്‍. ഇടുക്കി ജില്ലാ പ്രസിഡന്‍റ് നിയാസ് കൂരാപ്പിളളിയെയാണ് സംഘടനയില്‍ നിന്ന് സസ്പെന്‍ഡ് ചെയ്തത്. കെ.എസ്.യു സംസ്ഥാന പ്രസിഡന്‍റ് വി.എസ്.ജോയിയാണ് നടപടിയെടുത്തത്.
വെള്ളിയാഴ്ചയാണ് കെ.എസ്.യു പ്രവര്‍ത്തകരും പൊലീസും തമ്മില്‍ ഏറ്റുമുട്ടലുണ്ടായത്. കാമ്പസ് അതിക്രമങ്ങള്‍ക്കെതിരെ ‘മാനിഷാദ’ എന്ന മുദ്രാവാക്യമുയര്‍ത്തി കെ.എസ്.യു സംസ്ഥാന വ്യാപകമായി ആഹ്വാനം ചെയ്ത വിദ്യാഭ്യാസ ബന്ദിന്‍െറ ഭാഗമായാണ് നിയാസ് കൂരാപ്പിള്ളിയുടെ നേതൃത്വത്തില്‍ 30ഓളം പേര്‍ കോളജിലത്തെിയത്.
സമരത്തിനിടെ പ്രിന്‍സിപ്പലിനെ തടഞ്ഞുവെക്കുകയും പ്രവര്‍ത്തകരിലൊരാള്‍ അദ്ദേഹത്തിന്‍െറ ഷര്‍ട്ടില്‍ കുത്തിപ്പിടിക്കുകയും ചെയ്തു. വെള്ളിയാഴ്ച രാവിലെ 11.30ഓടെ തുടങ്ങിയ സംഭവവികാസങ്ങള്‍ അരമണിക്കൂറിലേറെ കാമ്പസില്‍ പരിഭ്രാന്തിപരത്തി. സംഭവത്തില്‍ പത്തോളം പേരെ തൊടുപുഴ എസ്.ഐ, സി.ഐ എന്നിവരുടെ നേതൃത്വത്തില്‍ പൊലീസ് അറസ്റ്റ് ചെയ്തിരുന്നു.