കസ്തൂരിരംഗന്‍ റിപ്പോര്‍ട്ട്: ഇന്ന് കേന്ദ്രവനംമന്ത്രിയുമായി ചര്‍ച്ച

ന്യൂഡല്‍ഹി: കസ്തൂരിരംഗന്‍ റിപ്പോര്‍ട്ടുമായി ബന്ധപ്പെട്ട അനിശ്ചിതത്വം നീക്കാനായി മുഖ്യമന്ത്രി ഉമ്മന്‍ചാണ്ടിയുടെ നേതൃത്വത്തിലുള്ള സംഘം കേന്ദ്ര വനം മന്ത്രി പ്രകാശ് ജാവദേക്കറുമായി ഇന്ന് ചര്‍ച്ച നടത്തും. ഇതിനായി ഉമ്മന്‍ ചാണ്ടിയും വനം മന്ത്രി തിരുവഞ്ചൂര്‍ രാധാകൃഷ്ണനും ജൈവ വൈവിധ്യ ബോര്‍ഡ് ചെയര്‍മാന്‍ ഉമ്മന്‍ വി. ഉമ്മനും ഡല്‍ഹിയിലത്തെിയിട്ടുണ്ട്. കസ്തൂരിരംഗന്‍ റിപ്പോര്‍ട്ട് സംബന്ധിച്ച ശുപാര്‍ശകള്‍ അതേപടി അംഗീകരിക്കണമെന്ന് കേരളം കൂടിക്കാഴ്ചയില്‍ ആവശ്യപ്പെടും.
പരിസ്ഥിതി ദുര്‍ബല പ്രദേശങ്ങളും ജനവാസ കേന്ദ്രങ്ങളും അടങ്ങുന്ന പുതുക്കിയ ഭൂപടവും കേരളം ഇന്ന് കേന്ദ്ര-പരിസ്ഥിതി മന്ത്രാലത്തിന് സമര്‍പ്പിക്കും. ഈ മാസം 9ന് കസ്തൂരിരംഗന്‍ റിപ്പോര്‍ട്ടില്‍ അനതിമ വിജ്ഞാപനം ഉണ്ടാകുമെന്നാണ് പ്രതീക്ഷിക്കപ്പെടുന്നത്.