മദ്യവില്‍പനയില്‍ വര്‍ധനവില്ലെന്ന്‌ എക്സൈസ് മന്ത്രി

കൊച്ചി: ഓണക്കാലത്ത് മദ്യവില്‍പനയില്‍ വര്‍ധനവില്ളെന്ന് എക്സൈസ് മന്ത്രി കെ. ബാബു. ഇപ്രകാരമുള്ള വാര്‍ത്തകള്‍ തെറ്റാണ്. ഉത്രാടം, തിരുവോണം ദിവസങ്ങളിലെ മദ്യവില്‍പന വഴി ലഭിച്ചത് 94.79 കോടി രൂപയാണ്. 2014ല്‍ ഇത് 83.66 കോടി രൂപയായിരുന്നു. നികുതി വര്‍ധിപ്പിച്ചത് വഴിയാണ് വരുമാനം കൂടിയതെന്നും മന്ത്രി ബാബു മാധ്യമങ്ങളോട് പറഞ്ഞു.

തിരുവോണ നാളില്‍ സംസ്ഥാനത്ത് റെക്കോഡ് മദ്യവില്‍പന നടന്നതായി വാര്‍ത്തകള്‍ വന്നിരുന്നു. ഇതിനോട് പ്രതികരിക്കുകയായിരുന്നു എക്സൈസ് മന്ത്രി.