വേതനത്തോടുകൂടിയ അവധി പ്രഖ്യാപിച്ചു

തിരുവനന്തപുരം: തദ്ദേശ തെരഞ്ഞെടുപ്പിനോടനുബന്ധിച്ച് നവംബർ രണ്ടിന് തിരുവനന്തപുരം, കൊല്ലം, ഇടുക്കി, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെയും അഞ്ചിന് പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, മലപ്പുറം ജില്ലകളിലെയും പബ്ലിക് ഓഫിസുകൾ, വിദ്യാഭ്യാസ സ്ഥാപനങ്ങൾ എന്നിവ ഉൾപ്പെടെ എല്ലാ സർക്കാർ / അർധ സർക്കാർ സ്ഥാപനങ്ങൾക്കും വാണിജ്യ സ്ഥാപനങ്ങൾക്കും നെഗോഷ്യബ്ൾ ഇൻസ്ട്രുമെൻറ്സ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾക്കും പൊതുഅവധി പ്രഖ്യാപിച്ച് സർക്കാർ ഉത്തരവ് പുറപ്പെടുവിച്ചിട്ടുണ്ട്.

ഈ ജില്ലകളിൽ വോട്ടർപട്ടികയിൽ പേരുള്ള, എന്നാൽ ഈ ജില്ലകൾക്ക് പുറത്ത് ജോലി നോക്കുന്ന ഫാക്ടറി/ പ്ലാേൻറഷൻ/ ഇതരവിഭാഗം ജീവനക്കാർക്കും കാഷ്വൽ ജീവനക്കാർ ഉൾപ്പെടെയുള്ള എല്ലാ ജീവനക്കാർക്കും പോളിങ് ദിവസം വേതനത്തോടുകൂടി അവധിയും പ്രഖ്യാപിച്ച് ഉത്തരവായിട്ടുണ്ട്.