ആർ.എസ്.എസ് നടപ്പാക്കുന്നത് ഹിറ്റ്ലറിൻെറ നയം -എ.കെ ആൻറണി

തിരുവനന്തപുരം: ഹിറ്റ്‌ലർ നടപ്പാക്കിയ കാര്യങ്ങളാണ് ആർ.എസ്.എസ് ഇപ്പോൾ നടത്തുന്നതെന്ന് കോൺഗ്രസ് നേതാവ് എ.കെ ആൻറണി. െെവവിധ്യങ്ങളെ അംഗീകരിക്കുന്ന മാതൃകാ രാജ്യമായിരുന്നു ഇന്ത്യ. എന്നാൽ ഇന്ന് ഇന്ത്യയിൽ എന്ത് കഴിക്കണം, എന്തെഴുതണം, ഏത് പരിപാടികൾ സംഘടിപ്പിക്കണം എന്നെല്ലാം തീരുമാനിക്കുന്നത് സംഘ് പരിവാറും ആർ.എസ്്.എസുമാണന്നും അദ്ദേഹം കൂട്ടിച്ചേത്തു. കെ.പി.സി.സി ആസ്ഥാനത്ത് നടത്തിയ വാർത്താ സമ്മേളനത്തിൽ സംസാരിക്കുകയായിരുന്നു ആൻറണി

ദലിതരെ ചുട്ടുകരിക്കുകയാണ്. ഉത്തർപ്രദേശിലും ഹരിയാനയിലും മഹാരാഷ്ട്രയിലുമെല്ലാം പ്രശ്നങ്ങളാണ്. ഉത്തരേന്ത്യയിൽ ജീവിക്കാൻ പേടിയാകുകയാണെന്നും അദ്ദേഹം പറഞ്ഞു.

തദ്ദേശ തെരഞ്ഞെടുപ്പെന്ന സെമിെെഫനൽ കഴിയുമ്പോൾ മറ്റു കക്ഷികൾ പുറത്തേക്കു പോകും. ഫൈനൽ പോരാട്ടം യു.ഡി.എഫും എൽ.ഡി.എഫും തമ്മിലായിരിക്കും.  ഭരണത്തുടർച്ചക്കുള്ള പോരാട്ടമാകും തെരഞ്ഞെടുപ്പെന്നും ആൻറണി കൂട്ടിച്ചേർത്തു.