കമീഷന്‍ റിപ്പോര്‍ട്ട് കിട്ടിയാല്‍ തോട്ടം തൊഴിലാളികളുടെ പ്രശ്നങ്ങള്‍ പരിഹരിക്കും മുഖ്യമന്ത്രി

മൂന്നാര്‍: തോട്ടം തൊഴിലാളികളുടെ പ്രശ്നങ്ങള്‍ സംബന്ധിച്ച് പഠിക്കാന്‍ നിയോഗിച്ച കമീഷന്‍െറ റിപ്പോര്‍ട്ട് ലഭിച്ചാലുടന്‍ പ്രശ്നങ്ങള്‍ പരിഹരിക്കുമെന്ന് മുഖ്യമന്ത്രി ഉമ്മന്‍ ചാണ്ടി.
മൂന്നാറില്‍ യു.ഡി.എഫ് തെരഞ്ഞെടുപ്പ് പ്രചാരണ യോഗത്തില്‍ സംസാരിക്കുകയായിരുന്നു മുഖ്യമന്ത്രി.  തലസ്ഥാനത്ത് പി.എല്‍.സി നാലുവട്ടം കൂടിയിട്ടും ശമ്പളം വര്‍ധിപ്പിക്കാന്‍ തോട്ടമുടമകള്‍ തയാറാകാതെ വന്നതോടെ സര്‍ക്കാര്‍ പ്രശ്നത്തില്‍ ഇടപെട്ടു. തലസ്ഥാനത്ത് സ്ത്രീതൊഴിലാളികള്‍ എത്തിയപ്പോള്‍ സര്‍ക്കാര്‍ അവരുമായി ചര്‍ച്ച നടത്തി.
കേരളത്തില്‍ നടന്ന ഉപതെരഞ്ഞെടുപ്പുകളില്‍ യു.ഡി.എഫ് ജയിക്കുന്നതാണ് കണ്ടത്. പഞ്ചായത്ത് തെരഞ്ഞെടുപ്പില്‍ യു.ഡി.എഫ് തന്നെ അധികാരത്തിലത്തെുമെന്ന് വിശ്വാസമുണ്ട്.  
യു.ഡി.എഫ് അധികാരത്തില്‍ വന്നാല്‍ കൂടുതല്‍ ക്ഷേമപ്രവര്‍ത്തനങ്ങള്‍ കാഴ്ചവെക്കുമെന്ന് മുഖ്യമന്ത്രി പറഞ്ഞു.