വിവാദ ഫേസ്ബുക്ക് പോസ്റ്റ്: ചെറിയാന്‍ ഫിലിപ്പ് മാപ്പുപറയണമെന്ന് ഉമ്മന്‍ചാണ്ടി

കാസര്‍കോട്: മഹിളാ കോണ്‍ഗ്രസ് പ്രവര്‍ത്തകര്‍ക്കെതിരെ ഫേസ്ബുക്കില്‍ നടത്തിയ മോശം പരാമര്‍ശത്തില്‍ ചെറിയാന്‍ ഫിലിപ്പ്  മാപ്പുപറയണമെന്ന് മുഖ്യമന്ത്രി ഉമ്മന്‍ചാണ്ടി. ഫേസ്ബുക്ക് പോസ്റ്റ് നിര്‍ഭാഗ്യകരവും വേദനാജനകവുമാണ്. ചെറിയാന്‍ ഫിലിപ്പിനെ ന്യായീകരിച്ച സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പ്രസ്താവന പിന്‍വലിക്കണമെന്നും ഉമ്മന്‍ചാണ്ടി ആവശ്യപ്പെട്ടു.

ഇന്നലെയാണ് വിവാദമായ പ്രസ്താവന ചെറിയാന്‍ ഫിലിപ്പ് നടത്തിയത്. തൃശൂരില്‍ യൂത്ത് കോണ്‍ഗ്രസ് നേതാക്കള്‍ ഷര്‍ട്ടൂരി നടത്തിയ സമരം നേരത്തെ നടത്തി പല വനിതകളും സീറ്റ് വാങ്ങിയിട്ടുണ്ടെന്നാണ് ഫിലിപ്പ് പോസ്റ്റില്‍ പറഞ്ഞത്. വിവാദമായെങ്കിലും പോസ്റ്റ് പിന്‍വലിക്കാന്‍ ചെറിയാന്‍ ഫിലിപ്പ് തയാറായിട്ടില്ല. ചെറിയാന്‍ ഫിലിപ്പിന്‍െറ പോസ്റ്റ് കണ്ടില്ളെന്നും അദ്ദേഹം സ്ത്രീ വിരുദ്ധനാണെന്ന് തോന്നുന്നില്ളെന്നുമായിരുന്നു കോടിയേരി ബാലകൃഷ്ണന്‍ പറഞ്ഞത്.