സമവായശ്രമം പൊളിഞ്ഞു; കൊണ്ടോട്ടിയില്‍ കോണ്‍ഗ്രസ്-സി.പി.എം ധാരണ

കൊണ്ടോട്ടി: കൊണ്ടോട്ടി നഗരസഭയിലേക്കുള്ള തെരെഞ്ഞെടുപ്പില്‍ കോണ്‍ഗ്രസ്- സി.പി.എം സഖ്യത്തിന് ധാരണ. കോണ്‍ഗ്രസും ലീഗും തമ്മില്‍ സമവായമുണ്ടാക്കാനുള്ള ചര്‍ച്ച ഫലം കാണാത്തതിനെ തുടര്‍ന്നാണ് കോണ്‍ഗ്രസ്, സി.പി.എമ്മുമായി ധാരണയിലത്തെിയത്. കോണ്‍ഗ്രസ്-സി.പി.എം സ്ഥാനാര്‍ഥികള്‍ ഇന്നുമുതല്‍ പത്രിക നല്‍കാനാരംഭിച്ചു.

നഗരസഭയില്‍ ആകെയുള്ള 40 സീറ്റുകളില്‍ 9 സീറ്റിലാണ് കോണ്‍ഗ്രസ് മത്സരിക്കുക. 12 സീറ്റുകളില്‍ സിപി.എമ്മിന്‍െറയും 5 സീറ്റുകളില്‍ സി.പി.ഐയുടേയും സ്ഥാനാര്‍ഥികള്‍ മത്സരിക്കും. മുസ്ളിംലീഗ് ഒറ്റക്കാണ് മത്സരിക്കുക.

ഈ വര്‍ഷം മുതലാണ് കൊണ്ടോട്ടി നഗരസഭയായി വികസിപ്പിച്ചത്. കഴിഞ്ഞ തവണ രണ്ടുവര്‍ഷം ലീഗും രണ്ടു തവണ കോണ്‍ഗ്രസുമായിരുന്നു പഞ്ചായത്ത് ഭരിച്ചത്. ഇക്കാലയളവിലുണ്ടായ തര്‍ക്കം മൂത്ത്, കോണ്‍ഗ്രസ് പ്രസിഡന്‍റിനെതിരെ ലീഗ് അവിശ്വാസം കൊണ്ടുവന്നിരുന്നു. എന്നാല്‍ ജില്ലാ നേതൃത്വം ഇടപെട്ട് ഇത് അവസാന നിമിഷം പിന്‍വലിപ്പിക്കുകയായിരുന്നു.