മകളുടെ സ്ഥാനാര്‍ഥിത്വത്തില്‍ വിട്ടുവീഴ്ച്ചയില്ല -സി.എന്‍. ബാലകൃഷ്ണന്‍

തിരുവനന്തപുരം: തദ്ദേശ തെരഞ്ഞെടുപ്പില്‍ മകള്‍ സി.ബി.ഗീതയുടെ സ്ഥാനാര്‍ഥിത്വവുമായി ബന്ധപ്പെട്ട് ഒരു വിട്ടുവീഴ്ചക്കും തയാറല്ളെന്ന് മന്ത്രി സി.എന്‍.ബാലകൃഷ്ണന്‍. ഇതുസംബന്ധിച്ച് പ്രദേശിക നേതൃത്വവുമായി ചര്‍ച്ച നടത്തി വരികയാണെന്നും ബാലകൃഷ്ണന്‍ പറഞ്ഞു. എതിര്‍പ്പുകള്‍ പ്രശ്നമല്ളെന്ന് മന്ത്രിയുടെ മകള്‍ ഗീതയും വ്യക്തമാക്കി. മത്സരിക്കാന്‍ താന്‍ സന്നദ്ധത അറിയിച്ചിട്ടുണ്ട്. ബാക്കി കാര്യങ്ങള്‍ തീരുമാനിക്കേണ്ടത് പാര്‍ട്ടിയാണെന്നും അവര്‍ പറഞ്ഞു.

മകള്‍ക്ക് മത്സരിക്കാന്‍ താല്‍പര്യമുണ്ടെന്ന് സി. എന്‍ ബാലകൃഷ്ണന്‍ കെ.പി.സി.സി പ്രസിഡന്‍റ് വി.എം.സുധീരനെ നേരത്തെ അറിയിച്ചിരുന്നു. തൃശൂര്‍ കോര്‍പറേഷനിലെ മേയര്‍ സ്ഥാനം വനിതാ സംവരണമായതോടെയാണ് മകളെ മത്സരിപ്പിക്കാന്‍ മന്ത്രി ശ്രമം തുടങ്ങിയത്. ഇതിനായി ഒളരി ഡിവിഷനില്‍ മല്‍സരിപ്പിക്കാനുള്ള ആഗ്രഹവും സുധീരനെ അദ്ദേഹം അറിയിച്ചിരുന്നു.