സുധീരന്‍െറ വസതിയിലേക്ക് കോണ്‍ഗ്രസ് പ്രവര്‍ത്തകരുടെ മാര്‍ച്ച്

തിരുവനന്തപുരം: തദ്ദേശ തെരഞ്ഞെടുപ്പില്‍ കേരള കോണ്‍ഗ്രസ് (എം) വിഭാഗത്തിന് കൂടുതല്‍ സീറ്റ് നല്‍കിയതില്‍ പ്രതിഷേധിച്ച് ഒരു വിഭാഗം കോണ്‍ഗ്രസ് പ്രവര്‍ത്തകര്‍ കെ.പി.സി.സി പ്രസിഡന്‍റ് വി.എം. സുധീരന്‍െറ വീട്ടിലേക്ക് മാര്‍ച്ച് നടത്തി.
ഞായറാഴ്ച രാത്രി 7.30ന് നടന്ന പ്രതിഷേധപ്രകടനത്തില്‍ ഇരുപതോളം പ്രവര്‍ത്തകര്‍ പങ്കെടുത്തു. അനിഷ്ടസംഭവങ്ങള്‍ ഒഴിവാക്കാന്‍ സ്ഥലത്ത് പൊലീസ് സന്നാഹങ്ങള്‍ ഒരുക്കിയിരുന്നെങ്കിലും പ്രവര്‍ത്തകര്‍ മുദ്രാവാക്യം മുഴക്കിയശേഷം മടങ്ങി.