ബി.ജെ.പിയുമായി എസ്.എന്‍.ഡി.പിക്ക് ബന്ധമില്ല -വെള്ളാപ്പള്ളി

ആലപ്പുഴ: എസ്.എന്‍.ഡി.പി യോഗം ആര്‍.എസ്.എസിന്‍െറയോ ബി.ജെ.പിയുടെയോ ഭാഗമാവില്ളെന്ന് ജനറല്‍ സെക്രട്ടറി വെള്ളാപ്പള്ളി നടേശന്‍. സംഘ പരിവാറിന്‍െറ ഭാഗമാവാനെങ്കില്‍ മൂന്നാം മുന്നണി ഉണ്ടാക്കേണ്ട ആവശ്യമില്ല. ബി.ജെ.പിയുടെ ഇഷ്ടാനിഷ്ടം നോക്കിയല്ല എസ്.എന്‍.ഡി.പി പ്രവര്‍ത്തിക്കുന്നത്. ഒരു രാഷ്ട്രീയ പാര്‍ട്ടിയുമായും ശത്രുതയില്ളെന്നും വെള്ളാപ്പള്ളി പറഞ്ഞു.

ഭൂരിപക്ഷസമുദായ ഐക്യത്തിനെതിരായ വാര്‍ത്തകളാണ് ഇപ്പോള്‍ മാധ്യമങ്ങളില്‍ വരുന്നത്. എസ്.എന്‍.ഡി.പി സംഘ പരിവാറിലും ആര്‍.എസ്.എസിലും ചേര്‍ന്നെന്നാണ് പ്രചരിപ്പിക്കുന്നത്. രാഷ്ട്രീയക്കാരെല്ലാം വിറളിപിടിച്ചിരിക്കുന്നു. എന്നാല്‍ ഈ മുന്നേറ്റം തകര്‍ക്കാന്‍ കഴിയില്ല. ചെല്ലുന്നവര്‍ക്കെല്ലാം അംഗത്വം കൊടുക്കുന്ന സംഘടനയല്ല സംഘപരിവാറെന്നും വെള്ളാപ്പള്ളി പറഞ്ഞു.

പ്രതിപക്ഷ നേതാവ് വി.എസ് അച്യുതാനന്ദന്‍ തനിക്കു നേരെ ഉന്നയിച്ച ആരോപണങ്ങളെ പുച്ഛിച്ചു തള്ളുകയാണെന്ന് വെള്ളാപ്പള്ളി  പറഞ്ഞു. തെരഞ്ഞെടുപ്പ് മുന്നില്‍ കണ്ടാണ് വി.എസ് അഴിമതി ആരോപണം ഉന്നയിക്കുന്നത്. തന്നെ എതിര്‍ക്കുന്നതിന് വേണ്ടിയെങ്കിലും വി.എസും പിണറായിയും ഒന്നിച്ചതില്‍ സന്തോഷമുണ്ട്.  എസ്.എന്‍.ഡി.പിയുടെ സമത്വ മുന്നേറ്റ യാത്ര കണ്ട് രാഷ്ട്രീയ പാര്‍ട്ടികള്‍ വിറളി പിടിച്ചിരിക്കുകയാണ്.  സേവ് കേരള, ചേഞ്ച് കേരള എന്നതായിരിക്കും യാത്രയുടെ  മുദ്രാവാക്യമെന്നും വെള്ളാപ്പള്ളി കൂട്ടിച്ചേര്‍ത്തു.