കേരള കാര്‍ഷിക സര്‍വകലാശാല ജനറല്‍ കൗണ്‍സില്‍ യോഗം ഉപേക്ഷിച്ചു

തൃശൂര്‍: കേരള കാര്‍ഷിക സര്‍വകലാശാല ജനറല്‍ കൗണ്‍സില്‍ യോഗം ക്വാറം തികയാതെ ഉപേക്ഷിച്ചു. വൈസ് ചാന്‍സലര്‍ ഡോ.പി. രാജേന്ദ്രന്‍െറ ഏകപക്ഷീയ നടപടികളില്‍ പ്രതിഷേധിച്ച് അധ്യാപക-അനധ്യാപക സംഘടനകള്‍ സംയുക്തമായി സര്‍വകലാശാല ആസ്ഥാനത്തിനു മുന്നില്‍ ധര്‍ണ നടത്തുന്ന പശ്ചാത്തലത്തിലായിരുന്നു ജനറല്‍ കൗണ്‍സില്‍. കൗണ്‍സിലിലെ ഉദ്യോഗസ്ഥ പ്രതിനിധികള്‍ ഒഴികെയുള്ളവര്‍ സ്ഥലത്ത് എത്തിയെങ്കിലും ഒപ്പിടാന്‍ തയാറായില്ല. സ്ഥലത്ത് ശക്തമായ പൊലിസ് സാന്നിധ്യമുണ്ട്. ധര്‍ണ തുടരുകയാണ്