മാണിയുടെ മകനെക്കുറിച്ച് പറയാത്തത് നാറ്റക്കേസായതുകൊണ്ട്: വി.എസ്

തിരുവനന്തപുരം: മുന്‍മന്ത്രി കെ.എം മാണിക്ക് പ്രതിപക്ഷ നേതാവ് വി.എസ് അച്യുതാനന്ദന്‍റെ മറുപടി. മാണിയുടെ മകനെക്കുറിച്ച് ഏറെ പറയാനുണ്ടെന്നും എന്നാല്‍ നാറ്റക്കേസായതു കൊണ്ടാണ് ഒന്നും പറയാത്തതെന്നും വി.എസ് പറഞ്ഞു.

വി.എസ് അച്യുതാനന്ദൻ തന്നെ ഒാർത്ത് കണ്ണുനീർ പൊഴിക്കേണ്ടെന്നും മകനെയോർത്ത് കണ്ണുനീർ പൊഴിച്ചാൽ മതിയെന്നും പാലായിലെ സ്വീകരണത്തിന് നൽകിയ മറുപടി പ്രസംഗത്തിൽ മാണി പറഞ്ഞിരുന്നു. മാണിക്ക് സ്വീകരണം നൽകുന്നതിനെ വിമർശിച്ച വി.എസിനുള്ള മറുപടിയായിട്ടായിരുന്നു മാണിയുടെ വിമർശം. ബാർകോഴകേസിൽ കോടതി വിമർശിച്ചതിനെ തുടർന്ന് രാജിവെച്ചയാൾക്ക് സ്വീകരണം നൽകുന്നത് നിയമവ്യവസ്ഥയോടുള്ള അവഹേളനമാണെന്നായിരുന്നു വി.എസ് പറഞ്ഞത്.