നീതിമാന്മാരോട് മാത്രമേ ദൈവം നീതി കാണിക്കൂവെന്ന് ജോര്‍ജ്

കോട്ടയം: ‘നീതിമാന്മാരോട് മാത്രമേ ദൈവം നീതി കാണിക്കൂ. വക്രതയുള്ളവരോട് ദൈവം വക്രത കാണിക്കും’-ബൈബ്ളിലെ സങ്കീര്‍ത്തനം 18ാം അധ്യായം ഉദ്ധരിച്ചായിരുന്നു നിയമസഭാംഗത്വം രാജിവെക്കുന്നതിനായി വിളിച്ചുചേര്‍ത്ത വാര്‍ത്താസമ്മേളനം പി.സി. ജോര്‍ജ് തുടങ്ങിവെച്ചത്.
‘ഞാന്‍ നിര്‍മലനാണ്. എന്നാല്‍, മാണി വക്രതയുള്ളവനാണ്. അതുകൊണ്ടാണ് ദൈവം അഴിമതിക്കേസില്‍ മാണിയെ കുടുക്കിയത്’ -ജോര്‍ജ് വ്യക്തമാക്കി. ‘നീ നിന്‍െറ കര്‍മം ചെയ്യുക. കര്‍മഫലം ഞാന്‍ ചെയ്യുമെന്ന ഭഗവത്ഗീതയിലെ വാചകവും ജോര്‍ജ് ഉദ്ധരിച്ചു. അഴിമതിക്കെതിരെ പോരാടുകയാണ് തന്‍െറ കര്‍മം. കര്‍മഫലം ഇപ്പോള്‍ മാണി അനുഭവിക്കുകയാണെന്നും ജോര്‍ജ് കൂട്ടിച്ചേര്‍ത്തു.