വിധിയിൽ സന്തോഷമുണ്ടെന്ന് കെ. ബാബു

തിരുവനന്തപുരം: സംസ്ഥാന സർക്കാർ പ്രഖ്യാപിച്ച മദ്യനയം സുപ്രീംകോടതി അംഗീകരിച്ചതിൽ സന്തോഷമുണ്ടെന്ന് എക്സൈസ് മന്ത്രി കെ.ബാബു. വളരെയധികം സാമൂഹ്യ പ്രതിബദ്ധതയോടെയാണ് സർക്കാർ മദ്യനയം പ്രഖ്യാപിച്ചത്. വിവിധ കോടതികളിൽ ഇത് ചോദ്യം ചെയ്യപ്പെട്ടുവെങ്കിലും ആത്യന്തികമായി ഈ നയം കോടതി അംഗീകരിച്ചതിൽ സന്തോഷമുണ്ട്. പൗരന്മാരുടെ മദ്യപാന ശീലം കുറക്കുന്നതിന് നയം സഹായിക്കും. ഇതു സംബന്ധിച്ച് സർക്കാർ നടത്തുന്ന ബോധവത്ക്കരണ പ്രക്രിയയിൽ എല്ലാവരും പങ്കാളികളാകണമെന്നും മന്ത്രി അഭ്യർഥിച്ചു.