രമേശ്​ ചെന്നിത്തല ഡല്‍ഹിയിൽ; സന്ദർശനം വ്യക്​തിപരമെന്ന്​ വിശദീകരണം

ന്യൂഡൽഹി: കത്ത് വിവാദം കേരളത്തില്‍ കത്തുന്നതിനിടെ മന്ത്രി രമേശ് ചെന്നിത്തല ഡല്‍ഹിയിൽ. ഡൽഹിയിൽ എത്തിയത് രാഷ്ട്രീയ ചർച്ചകൾക്കല്ലെന്നും സ്വകാര്യ ആവശ്യങ്ങൾക്കാണെന്നും ചെന്നിത്തല മാധ്യമങ്ങളോട് പറഞ്ഞു. കത്തിനെക്കുറിച്ച് പറയാനുള്ളത് കെ.പി.സി.സിയിൽ പറഞ്ഞിട്ടുണ്ടെന്നും അക്കാര്യങ്ങൾ പുറത്തുപറയാൻ താൽപര്യമില്ലെന്നും ചെന്നിത്തല വ്യക്തമാക്കി.

നിശ്ചയിച്ചതിലും നേരത്തേ ഡല്‍ഹി സന്ദര്‍ശിക്കുന്നത് വ്യക്തിപരമാണെന്ന് രമേശ് വിശദീകരിക്കുന്നെങ്കിലും കത്ത് വിവാദം ഉള്‍പ്പെടെ കാര്യങ്ങള്‍ പാര്‍ട്ടി ദേശീയനേതൃത്വവുമായി സംസാരിക്കുമെന്നാണ് അറിയുന്നത്. അതിനിടെ താന്‍ കത്ത് അയച്ചിട്ടില്ലെന്ന് രമേശ് ചെന്നിത്തല ആവര്‍ത്തിച്ച് പറയുന്നതിനിടെ കത്ത് കിട്ടിയെന്ന് കോൺഗ്രസ് ഹൈകമാൻഡ് അറിയിച്ചു.