പെരുമഴ; പമ്പ കരകവിഞ്ഞു

ശബരിമല: ശബരിമലയിലും പരിസരത്തും പെയ്ത ശക്തമായ മഴയില്‍ പമ്പാനദിയില്‍ വെള്ളം ഉയര്‍ന്നു. ത്രിവേണിയില്‍ പാര്‍ക്ക് ചെയ്തിരുന്ന വാഹനങ്ങള്‍ ഹില്‍ടോപ്പിലേക്കും നിലക്കലിലേക്കും മാറ്റി. തിങ്കളാഴ്ച വൈകുന്നേരം അഞ്ചോടെ പെയ്ത കനത്ത മഴയിലാണ് പമ്പാനദിയില്‍ ജലനിരപ്പ്  ഉയര്‍ന്നത്. താഴ്ന്ന പ്രദേശങ്ങളില്‍ വെള്ളം കയറിയതിനാല്‍ അയ്യപ്പഭക്തര്‍ക്ക് പൊലീസ് ജാഗ്രതാ നിര്‍ദേശം നല്‍കി.സന്നിധാനത്തുളള അയ്യപ്പഭക്തര്‍ക്ക് പമ്പയിലേക്ക് പോകുന്നതില്‍ പൊലീസ് നിയന്ത്രണം ഏര്‍പ്പെടുത്തിയിട്ടുണ്ട്. പമ്പയിലേക്ക് എത്തുന്ന അയ്യപ്പഭക്തരെ നിലക്കലിലും ചാലക്കയത്തും തടഞ്ഞു.