വെള്ളാപ്പള്ളിയുടെ നടപടി അപമാനകരം –സുധീരന്‍

തിരുവനന്തപുരം: ചടങ്ങിലേക്ക് മുഖ്യമന്ത്രിയെ ക്ഷണിക്കുകയും പിന്നീട് ചടങ്ങില്‍നിന്ന് വിട്ടുനില്‍ക്കാന്‍ ആവശ്യപ്പെടുകയും ചെയ്ത വെള്ളാപ്പള്ളി നടേശന്‍െറ നടപടി കേരളത്തിന് അപമാനകരമാണെന്ന് കെ.പി.സി.സി പ്രസിഡന്‍റ് വി.എം. സുധീരന്‍.ചില കേന്ദ്രങ്ങളുടെ സമ്മര്‍ദത്തെ തുടര്‍ന്നാണ് ഇങ്ങനെ ആവശ്യപ്പെട്ടതെന്ന് വെള്ളാപ്പള്ളി പറയുന്നു. വര്‍ഗീയ-ഫാഷിസ്റ്റ് ശക്തികളാണ് അതിന് പിന്നിലെന്ന് ആര്‍ക്കും മനസ്സിലാകും. എസ്.എന്‍.ഡി.പി യോഗത്തിന്‍െറ പരിപാടി പോലും സ്വതന്ത്രമായി തീരുമാനിച്ച് നടത്താന്‍ വെള്ളാപ്പള്ളിക്ക് കഴിയാത്ത അവസ്ഥയാണ്. ആര്‍.എസ്.എസിന്‍െറ അടിമത്തം സ്വീകരിച്ച വെള്ളാപ്പള്ളി എസ്.എന്‍.ഡി.പി യോഗം ജനറല്‍ സെക്രട്ടറി സ്ഥാനം രാജിവെക്കണമെന്നും സുധീരന്‍ പ്രസ്താവനയില്‍ പറഞ്ഞു.