സര്‍ക്കാര്‍ ആര്‍.എസ്.എസിന് ഒത്താശ ചെയ്യുന്നു -കോടിയേരി

കണ്ണൂര്‍: സര്‍ക്കാര്‍ ആര്‍.എസ്.എസിന് ഒത്താശ ചെയ്യുന്നതായി സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. സര്‍ക്കാര്‍ ഒത്താശയോടെയാണ്  സി.പി.എം പ്രവര്‍ത്തകരെ ആര്‍.എസ്.എസ് ആക്രമിക്കുന്നതെന്നും അദ്ദേഹം കൂട്ടിച്ചേര്‍ത്തു.

സി.പി.എം പ്രവര്‍ത്തകരെ മാത്രം തെരഞ്ഞു പിടിക്കുന്ന പൊലീസ് ആര്‍.എസ്.എസ് അക്രമം കണ്ടു നില്‍ക്കുകയാണ്. പ്രധാനമന്ത്രി നരേന്ദ്ര മോദിയുടെ ഗുഡ്ലിസ്റ്റില്‍ കയറാനാണ് മുഖ്യമന്ത്രി ഉമ്മന്‍ ചാണ്ടിയും ആഭ്യന്തരമന്ത്രി രമേശ് ചെന്നിത്തലയും ശ്രമിക്കുന്നതെന്നും കോടിയേരി പറഞ്ഞു.

ഫോര്‍ട്ട് കൊച്ചി ബോട്ടപകടത്തെ കുറിച്ച് ജുഡീഷ്യല്‍ അന്വേഷണം നടത്തണം. കൊച്ചി കോര്‍പറേഷനെ കേസില്‍ പ്രതി ചേര്‍ക്കണമെന്നും അദ്ദേഹം പറഞ്ഞു.

ദുരന്തത്തിന്‍്റെ ഉത്തരവാദിത്തത്തില്‍ നിന്നും സര്‍ക്കാരിനും കോര്‍പ്പറേഷനും ഒഴിഞ്ഞുമാറാന്‍ കഴിയില്ല. ജുഡീഷ്യല്‍ അന്വേഷണത്തിന് സര്‍ക്കാര്‍ തയാറാകുന്നില്ളെങ്കില്‍ സെപ്റ്റംബര്‍ 1ന് സി.പി.എം എറണാകുളം ജില്ലാ കമ്മിറ്റിയുടെ നേതൃത്വത്തില്‍ ബഹുജന പ്രക്ഷോഭം സംഘടിപ്പിക്കുമെന്നും കോടിയേരി പറഞ്ഞു.