സംസ്ഥാനത്ത് അക്രമം അഴിച്ചുവിടാനുള്ള ആസൂത്രിത ശ്രമം -ചെന്നിത്തല

തിരുവനന്തപുരം: സംസ്ഥാനത്ത് അക്രമം അഴിച്ചുവിടാനുള്ള ആസൂത്രിത ശ്രമമെന്ന് ആഭ്യന്തര മന്ത്രി രമേശ് ചെന്നിത്തല. സി.പി.എമ്മും ബി.ജെ.പിയും ആസൂത്രിത അക്രമങ്ങളില്‍ നിന്ന് പിന്‍മാറണമെന്നും അദ്ദേഹം കൂട്ടിച്ചേര്‍ത്തു.

അക്രമികള്‍ ആരായാലും മുഖം നോക്കാതെ നടപടിയെടുക്കും. അവരെ നിയമത്തിന് മുന്നില്‍ കൊണ്ടുവരുമെന്നും ചെന്നിത്തല മാധ്യമങ്ങളോട് പറഞ്ഞു.

കാസര്‍കോട് കാഞ്ഞങ്ങാട്ട് സി.പി.എം. പ്രവര്‍ത്തകനും തൃശൂര്‍ വെള്ളിക്കുളങ്ങരയില്‍ ബി.ജെ.പി പ്രവര്‍ത്തകനും വെള്ളിയാഴ്ച വെട്ടേറ്റു മരിച്ചിരുന്നു.  കാസര്‍കോട് കോടംവേളൂര്‍ സ്വദേശി നാരായണ (42) നും തൃശൂരില്‍ വാസുപുരം സ്വദേശി അഭിലാഷുമാണ് കൊല്ലപ്പെട്ടത്. അഭിലാഷ് സുഹൃത്തിനൊപ്പം ബൈക്കില്‍ പോവുമ്പോഴായിരുന്നു ആക്രമണം.