വിമാനമെത്തിയില്ല; റിയാദ് യാത്രക്കാര്‍ വലഞ്ഞു

നെടുമ്പാശ്ശേരി: റിയാദില്‍നിന്നുള്ള എയര്‍ ഇന്ത്യ വിമാനം എത്താതിരുന്നതിനത്തെുടര്‍ന്ന് യാത്രക്കാര്‍ വലഞ്ഞു. ഹോട്ടല്‍ സൗകര്യം പോലും ഒരുക്കാന്‍ കമ്പനി തായറാകാതിരുന്നതോടെ യാത്രക്കാര്‍ വിമാനത്താവളത്തിലിരുന്ന് നേരം വെളുപ്പിക്കേണ്ടിവന്നു. ബുധനാഴ്ച പുലര്‍ച്ചെ രണ്ടുമണിക്കുള്ള വിമാനത്തില്‍ പോകേണ്ടിയിരുന്ന 355 യാത്രക്കാരാണ് വലഞ്ഞത്.
ചൊവ്വാഴ്ച രാത്രി 10.45ന് എത്തേണ്ട വിമാനം സാങ്കേതിക പ്രശ്നങ്ങളത്തെുടര്‍ന്ന് റിയാദില്‍നിന്ന് പുറപ്പെട്ടില്ല. വിമാനം റദ്ദാക്കുമെന്നോ വൈകുമെന്നോ യാത്രക്കാരെ അറിയിക്കാന്‍ എയര്‍ ഇന്ത്യ അധികൃതര്‍ തയാറായില്ല.
പുലര്‍ച്ചെയായിട്ടും വിമാനമത്തൊതിരുന്നപ്പോള്‍ യാത്രക്കാര്‍ ബഹളം തുടര്‍ന്നു. ഇവരെ ഹോട്ടലിലേക്ക് മാറ്റിയെങ്കിലും ആവശ്യത്തിന് മുറിയുണ്ടായില്ല. ഇതുമൂലം ചിലര്‍ക്ക് വിമാനത്താവളത്തില്‍ കഴിച്ചുകൂട്ടേണ്ടിവന്നു.