ശബരിമല ക്ഷേത്രം 26ന് തുറക്കും; ഓണസദ്യ ഒന്നാംഓണം മുതല്‍

തിരുവനന്തപുരം: ഓണപ്പൂജകള്‍ക്കായി ശബരിമല ക്ഷേത്രം 26ന് വൈകീട്ട് അഞ്ചിന് തുറന്ന് 30ന് രാത്രി 10ന് അടക്കും. നാല് ഓണത്തിനും വിഭവ സമൃദ്ധമായ ഓണസദ്യയുണ്ടാകും. 27 മുതല്‍ 30 വരെ പതിവു പൂജകള്‍ക്ക് പുറമെ വിശേഷാല്‍ പൂജകളായ പടിപൂജയും ഉദയാസ്തമയ പൂജയും ഉണ്ടായിരിക്കും. നാല് ദിവസങ്ങളിലും നെയ്യഭിഷേകം, പുഷ്പാഭിഷേകം അഷ്ടാഭിഷേകം കളഭാഭിഷേകം, കലശാഭിഷേകം എന്നിവ നടത്താവുന്നതാണ്.
ഓണപ്പൂജകള്‍ പൂര്‍ത്തിയാക്കി 30ന് രാത്രി 10ന് നടയടച്ചശേഷം കന്നിമാസപൂജകള്‍ക്കായി സെപ്റ്റംബര്‍ 16ന് തുറക്കും.