കുഞ്ഞാലിക്കുട്ടി തെരഞ്ഞെടുപ്പ് കമ്മീഷനെ ഭയപ്പെടുത്തുന്നു -പിണറായി

തിരുവനന്തപുരം: മന്ത്രി പി.കെ കുഞ്ഞാലിക്കുട്ടി തെരഞ്ഞെടുപ്പ് കമീഷനെ ഭയപ്പെടുത്തുന്നുവെന്ന് സി.പി.എം പോളിറ്റ് ബ്യൂറോ അംഗം പിണറായി വിജയന്‍. തെരഞ്ഞെടുപ്പിനെ നേരിടാന്‍ യു.ഡി.എഫിനു ഭയമാണെന്നും പിണറായി കുറ്റപ്പെടുത്തി.

കുഞ്ഞാലിക്കുട്ടിയെ തിരുത്തേണ്ട മുഖ്യമന്ത്രി ഉമ്മന്‍ചാണ്ടി ഇതിനെല്ലാം കൂട്ടുനില്‍ക്കുകയാണ്. ലീഗിന് പഞ്ചായത്തുകള്‍ സ്വന്തമാക്കാനാണ് പുനര്‍വിഭജനം നടത്തുന്നതെന്നും അദ്ദേഹം പറഞ്ഞു.

തെരഞ്ഞെടുപ്പ് സമയത്ത് തന്നെ നടത്തിയില്ളെങ്കില്‍ സി.പി.എം ശക്തമായ പ്രക്ഷോഭമുയര്‍ത്തും. നവംബര്‍ ഒന്നിന് തന്നെ പുതിയ ഭരണസമിതികള്‍ അധികാരത്തിലെ ത്താനുള്ള നടപടികള്‍ സര്‍ക്കാര്‍ സ്വീകരിക്കണമെന്നും പിണറായി ആവശ്യപ്പെട്ടു.