തദ്ദേശ തെരഞ്ഞെടുപ്പ് നീട്ടിവെക്കില്ല -പി.പി തങ്കച്ചന്‍

തിരുവനന്തപുരം: തദ്ദേശ  തെരഞ്ഞെടുപ്പ് നീട്ടിവെക്കണമെന്ന തരത്തില്‍ യു.ഡി.എഫില്‍ ചര്‍ച്ചയുണ്ടായിട്ടില്ളെന്ന് കണ്‍വീനര്‍ പി.പി തങ്കച്ചന്‍. എത്രയും പെട്ടെന്ന് തെരഞ്ഞെടുപ്പ് നടത്തണമെന്നാണ് യു.ഡി.എഫിന്‍െറ ആവശ്യമെന്നും അദ്ദേഹം പറഞ്ഞു. കോവളത്ത് നടന്ന യു.ഡി.എഫ് യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

സംസ്ഥാനത്ത് യു.ഡി.എഫിന് അനൂകൂലമായ സാഹചര്യമാണുള്ളത്. ഘടകകക്ഷികളുമായുള്ള പ്രശ്നങ്ങള്‍ ഉഭയകക്ഷി ചര്‍ച്ചയിലൂടെ പരിഹരിക്കും. പാലക്കാട്ടെ തോല്‍വിയെ കുറിച്ചുള്ള കമീഷന്‍ റിപ്പോര്‍ട്ട് അടുത്ത യോഗത്തില്‍ ചര്‍ച്ച ചെയ്യും. ജെ.ഡി.യുവിന് യു.ഡി.എഫിന്‍െറ ഒരു ജില്ലാ ചെയര്‍മാന്‍ സ്ഥാനം നല്‍കുമെന്നും തങ്കച്ചന്‍ പറഞ്ഞു.

തദ്ദേശ തെരഞ്ഞെടുപ്പ് വിഷയത്തില്‍ സംസ്ഥാന തെരഞ്ഞെടുപ്പ് കമീഷനുമായി ചര്‍ച്ച ചെയ്ത് ധാരണയിലത്തെിട്ടുണ്ട്. ഇക്കാര്യത്തില്‍ ഏതാനും ദിവസങ്ങളുടെ നീക്കുപോക്കുകള്‍ മാത്രമേ വേണ്ടിവരൂവെന്നും അദ്ദേഹം മാധ്യമങ്ങളോട് പറഞ്ഞു.