അഗ്നിശമന വാഹനം സ്വകാര്യ ആവശ്യങ്ങള്‍ക്ക് വിട്ടുനല്‍കുന്നത് നിയന്ത്രിക്കും -ആഭ്യന്തരമന്ത്രി

അടിമാലി: അഗ്നിശമന സേനയുടെ വാഹനങ്ങള്‍ സ്വകാര്യ ആവശ്യങ്ങള്‍ക്കായി വിട്ടുനല്‍കുന്നത് നിയന്ത്രിക്കുമെന്ന് ആഭ്യന്തര മന്ത്രി രമേശ് ചെന്നിത്തല.
ഇതുസംബന്ധിച്ച നിര്‍ദേശം ഫയര്‍ഫോഴ്സ് മേധാവിക്ക് കൈമാറി.
അടിമാലിയില്‍ ആരംഭിച്ച മിനി അഗ്നിശമന സേന നിലയത്തിന്‍െറ ഉദ്ഘാടനം നിര്‍വഹിക്കുകയായിരുന്നു അദ്ദേഹം. സംസ്ഥാനത്തെ വിവിധ സേനാ നിലയങ്ങളുടെ പ്രവര്‍ത്തനം കാര്യക്ഷമമാക്കുന്നതിന് പുതുതായി 80 ഫയര്‍ എന്‍ജിനുകള്‍ അനുവദിക്കാന്‍ നടപടി സ്വീകരിച്ചു.
ഇതില്‍ 25 എണ്ണം നല്‍കി. ഒക്ടോബറിന് മുമ്പ് 25 എണ്ണം കൂടി നല്‍കുമെന്നും മന്ത്രി പറഞ്ഞു.