ഹക്കീം വധം: ആഭ്യന്തര വകുപ്പിന് അന്വേഷണത്തില്‍ താല്‍പര്യമില്ല -പി. ജയരാജന്‍

പയ്യന്നൂര്‍: ഹക്കീം കൊലക്കേസില്‍ അന്വേഷണം നടത്തി പ്രതികളെ പിടികൂടുന്നതില്‍ ആഭ്യന്തര വകുപ്പിന് താല്‍പര്യമില്ളെന്ന് സി.പി.എം ജില്ലാ സെക്രട്ടറി പി. ജയരാജന്‍. പയ്യന്നൂരില്‍ സത്യഗ്രഹ പന്തല്‍ സന്ദര്‍ശിച്ച ശേഷം സംസാരിക്കുകയായിരുന്നു അദ്ദേഹം. ചില കേസുകളില്‍ സി.ബി.ഐ അന്വേഷണം പ്രഖ്യാപിക്കാന്‍ സര്‍ക്കാര്‍ കാണിച്ച താല്‍പര്യം ഹക്കീമിന്‍െറ കാര്യത്തില്‍ ഇല്ലാത്തത് ഇതിന്‍െറ തെളിവാണ്. ഇതു തുറന്നുകാട്ടാന്‍ കഴിയണം. സമരവുമായി മുന്നോട്ടുപോകുമ്പോള്‍, പ്രതികളെ തിരിച്ചറിഞ്ഞുവെന്നും ഒരു തെളിവുകൂടി ലഭിച്ചാല്‍ പിടിക്കുമെന്നുമാണ് ആഭ്യന്തര വകുപ്പും ക്രൈംബ്രാഞ്ചും പറഞ്ഞത്. സമരം 100 ദിവസം പിന്നിട്ടിട്ടും കണ്ടത്തെിയ പ്രതികളെ പിടികൂടാത്തതിന്‍െറ കാരണം വ്യക്തമാക്കാന്‍ ആഭ്യന്തര വകുപ്പിന് ബാധ്യതയുണ്ടെന്നും ജയരാജന്‍ പറഞ്ഞു.