ചാവക്കാട് തിരുവത്ര മഹല്ല് പ്രസിഡന്‍റിന്‍െറ സ്കൂട്ടര്‍ തീവെച്ച് നശിപ്പിച്ചു

ചാവക്കാട്: തിരുവത്ര മഹല്ല് പ്രസിഡന്‍റ് എ.സി സൈനുദ്ദീന്‍ ഹാജിയുടെ സ്കൂട്ടര്‍ തീവെച്ച് നശിപ്പിച്ചു.കോണ്‍ഗ്രസ് പ്രവര്‍ത്തകന്‍ എ.സി ഹനീഫയുടെ കൊലപാതകം സി.ബി.ഐ അന്വേഷിക്കണമൊവശ്യപ്പെട്ട് തിരുവത്ര മഹല്ല് കമ്മിറ്റി ആഭ്യന്തര മന്ത്രി രമേശ് ചെന്നിത്തലക്ക് പരാതി നല്‍കിയിരുന്നു. ഇതിന്‍െറ വൈരാഗ്യത്തിലാണ് മഹല്ല് പ്രസിഡന്‍റിന്‍െറ സ്കൂട്ടര്‍ കത്തിച്ചതെന്ന്  ഭാരവാഹികള്‍ സംശയിക്കുന്നു.യാണ് സംഭവം.
തിരുവത്ര പുത്തല്‍ കടപ്പുറം ഇ.എം.എസ് നഗറിനു സമീപമുള്ള സൈനുദ്ദീന്‍ ഹാജിയുടെ വീടിനു മുന്നില്‍ ഷെഡ്ഡിലുണ്ടായിരുന്ന ആക്ടിവ സ്കൂട്ടറാണ് ശനിയാഴ്ച്ച പുലര്‍ച്ചെ 3 ഓടെ അജ്ഞാതര്‍ അഗ്നിക്കിരയാക്കിയത്. വെളിച്ചവും പുക ഉയരുന്നതും കണ്ടാണ് വീട്ടുകാര്‍ ഉണര്‍ന്നത്. വീടിന്‍െറ പിന്‍ഭാഗത്തുള്ള വഴിയിലൂടെയാണ് അക്രമികള്‍ വന്നതെന്നു കരുതുന്നു. ചാവക്കാട് സി.ഐ എ.ജെ ജോസയും സംഘവും സ്ഥലത്തത്തെി പരിശോധന നടത്തി.