ഹജ്ജ്: യാത്രാതീയതി രണ്ട് ദിവസത്തിനകം പ്രസിദ്ധീകരിക്കും

കരിപ്പൂര്‍: സംസ്ഥാന ഹജ്ജ് കമ്മിറ്റി മുഖേന ഹജ്ജിന് പോകുന്ന തീര്‍ഥാടകരുടെ യാത്രാതീയതി രണ്ട് ദിവസത്തിനകം പ്രസിദ്ധീകരിക്കും. കേന്ദ്ര ഹജ്ജ് കമ്മിറ്റിയില്‍ ഇതിനുള്ള നടപടികള്‍ പുരോഗമിക്കുകയാണ്.
കുറച്ചുപേരുടെ യാത്രാതീയതി തയാറായതായി ഹജ്ജ് കമ്മിറ്റി അധികൃതര്‍ അറിയിച്ചു. മുഴുവന്‍ തീര്‍ഥാടകരുടെയും യാത്രാതീയതി തയാറായതിന് ശേഷം ഇവ പ്രസിദ്ധീകരിക്കുമെന്നും അധികൃതര്‍ അറിയിച്ചു. സെപ്റ്റംബര്‍ രണ്ട് മുതല്‍ 17 വരെയാണ് കേരളത്തില്‍ നിന്നുള്ള ഹജ്ജ് സര്‍വിസ്.
ഇത്തവണ എയര്‍ ഇന്ത്യയാണ് സര്‍വിസ് നടത്തുന്നത്.