മുഖ്യമന്ത്രിയുമായി ഗൗതം അദാനി കൂടിക്കാഴ്ച നടത്തി

തിരുവനന്തപുരം: മുഖ്യമന്ത്രി ഉമ്മന്‍ചാണ്ടിയുമായി അദാനി ഗ്രൂപ്പ് ചെയര്‍മാന്‍ ഗൗതം അദാനി കൂടിക്കാഴ്ച നടത്തി. 11.30ഓടെ സെക്രട്ടറിയേറ്റില്‍ വെച്ചു നടന്ന കൂടിക്കാഴ്ചയില്‍ തുറമുഖ മന്ത്രി കെ. ബാബു, ആരോഗ്യ മന്ത്രി വി.എസ് ശിവകുമാര്‍, ഗൗതം അദാനിയുടെ മകന്‍ കരണ്‍ അദാനി അടക്കമുള്ളവര്‍ പങ്കെടുത്തു.

വിഴിഞ്ഞം തുറമുഖ പദ്ധതി നിശ്ചിത സമയപരിധിക്കുള്ളില്‍ പൂര്‍ത്തിയാക്കുമെന്ന് ഗൗതം അദാനി മുഖ്യമന്ത്രിക്ക് ഉറപ്പ് നല്‍കി. നവംബര്‍ ഒന്നിനു തന്നെ നിര്‍മാണ പ്രവര്‍ത്തനങ്ങള്‍ ആരംഭിക്കുമെന്നും അദ്ദേഹം പറഞ്ഞു.

വിഴിഞ്ഞം പദ്ധതിക്ക് പണം തടസമല്ളെന്ന് മുഖ്യമന്ത്രി ഉമ്മന്‍ചാണ്ടി വ്യക്തമാക്കി. നിലവിലുള്ള ആശങ്കകള്‍ പരിഹരിക്കാന്‍ ബുധനാഴ്ച വീണ്ടും ചര്‍ച്ച നടത്തുമെന്നും അദ്ദേഹം മാധ്യമങ്ങളോട് പറഞ്ഞു.

വിഴിഞ്ഞം തുറമുഖ പദ്ധതിയുടെ നിര്‍മാണ ^നടത്തിപ്പ് കരാര്‍ ഒപ്പിടാന്‍ 14 അംഗ സംഘത്തോടൊപ്പമാണ് ഗൗതം അദാനി രാവിലെ തിരുവനന്തപുരത്ത് എത്തിയത്.