ഗൗതം അദാനി തിരുവനന്തപുരത്തെത്തി

തിരുവനന്തപുരം: വിഴിഞ്ഞം തുറമുഖ കരാര്‍ ഒപ്പിടല്‍ ചടങ്ങില്‍ പങ്കെടുക്കാനായി അദാനി ഗ്രൂപ്പ് ചെയര്‍മാന്‍ ഗൗതം അദാനി തിരുവനന്തപുരത്തെത്തി. രാവിലെ പത്ത് മണിയോടെ തിരുവനന്തപുരം വിമാനത്താവളത്തിലെത്തിയ അദ്ദേഹം 11.30 ന് മുഖ്യമന്ത്രി ഉമ്മന്‍ചാണ്ടി, 12.30ന് പ്രതിപക്ഷ നേതാവ് വി.എസ്. അച്യുതാനന്ദന്‍ എന്നിവരുമായി കൂടിക്കാഴ്ച നടത്തും. കൂടാതെ വിഴിഞ്ഞം പദ്ധതി പ്രദേശം അദ്ദേഹം സന്ദര്‍ശിക്കും. വൈകീട്ട് 5.30ന് ദര്‍ബാര്‍ ഹാളില്‍ നടക്കുന്ന കരാര്‍ ഒപ്പിടല്‍ ചടങ്ങില്‍ പങ്കെടുത്ത ശേഷം അദ്ദേഹം മടങ്ങും.

ഗ്യാസ്, പവര്‍, ഇന്‍ഫ്രാസ്ട്രക്ചര്‍, തുറമുഖം, ചരക്കുകടത്ത് തുടങ്ങി വിവിധ മേഖലകളില്‍ ലോകമൊട്ടാകെ വ്യാപിച്ചു കിടക്കുന്ന 34.86 ബില്ല്യണ്‍ ഡോളര്‍ വ്യാപാരത്തിന് ഉടമകളാണ് അദാനി ഗ്രൂപ്പ്.