ബാര്‍ കേസ്: അറ്റോര്‍ണി ജനറലിനെതിരെ ചെന്നിത്തല

കൊല്ലം: ബാര്‍ കേസില്‍ സുപ്രീംകോടതിയില്‍ ഹാജരായ അറ്റോര്‍ണി ജനറല്‍ (എ.ജി) മുകുള്‍ റോഹ്തഗിക്കെതിരെ ആഭ്യന്തര മന്ത്രി രമേശ് ചെന്നിത്തല. ജനതാത്പര്യത്തിനെതിരെ എ.ജി നിലപാട് സ്വീകരിക്കുന്നത് ശരിയല്ളെന്ന് ചെന്നിത്തല പറഞ്ഞു. എ.ജിയുടെ നടപടി ഫെഡറല്‍ സംവിധാനത്തിന് എതിരാണ്. വിഷയത്തില്‍ അദ്ദേഹം ഒൗചിത്യം പാലിക്കണം. ബാര്‍ കേസില്‍ കോടതിയില്‍ ഹാജരാകുന്നതില്‍ നിന്ന് എ.ജി സ്വയം പിന്മാറണമെന്നും ചെന്നിത്തല ആവശ്യപ്പെട്ടു.

ബാര്‍ കേസില്‍ ഹോട്ടല്‍ ഉടമകള്‍ക്ക് വേണ്ടി അറ്റോര്‍ണി ജനറല്‍ ഹാജരാകുന്നതിനെ എതിര്‍ക്കാനാവില്ളെന്ന് സുപ്രീംകോടതി വെള്ളിയാഴ്ച വ്യക്തമാക്കിയിരുന്നു. എ.ജി ഹാജരാകുന്നത് വിലക്കണമെന്ന് ചൂണ്ടിക്കാട്ടി ടി.എന്‍ പ്രതാപന്‍ എം.എല്‍.എ നല്‍കിയ ഹരജിയിലാണ് കോടതി ഇക്കാര്യമറിയിച്ചത്.