കുട്ടികളെ എത്തിച്ച കേസ് സാമൂഹ്യനീതി ബെഞ്ചിന് വിട്ടു

ന്യൂഡല്‍ഹി: അയല്‍ സംസ്ഥാനങ്ങളില്‍ നിന്ന് കേരളത്തിലേക്ക് കുട്ടികളെ  എത്തിച്ച കേസില്‍ സി.ബി.ഐ അന്വേഷണത്തിന് ഉത്തരവിട്ട ഹൈകോടതി വിധിക്കെതിരെ നല്‍കിയ ഹരജി സുപ്രീംകോടതി സാമൂഹ്യനീതി ബെഞ്ചിന് വിട്ടു. മുക്കം, വെട്ടത്തൂര്‍ അനാഥാലയങ്ങളാണ് ഹൈകോടതി വിധിക്കെതിരെ സുപ്രീംകോടതിയെ സമീപിച്ചത്.

കുട്ടികളെ കൊണ്ടു വന്നത് മനുഷ്യക്കടത്തല്ളെന്ന് ഝാര്‍ഖണ്ഡ്, ബംഗാള്‍ എന്നീ സംസ്ഥാനങ്ങള്‍ വ്യക്തമാക്കിയ കാര്യം ഹൈകോടതി പരിഗണിച്ചില്ളെന്നാണ് അനാഥാലയങ്ങളുടെ ഹരജിയില്‍ ചൂണ്ടിക്കാട്ടുന്നത്. സി.ബി.ഐ. അന്വേഷണം ആവശ്യമില്ളെന്ന കേരള സര്‍ക്കാരിന്‍െറ വാദവും ഹൈകോടതി കണക്കിലെടുത്തില്ല. അനാഥാലയങ്ങള്‍ക്ക് ബാലനീതി നിയമപ്രകാരമുളള രജിസ്ട്രേഷന്‍ വേണമെന്ന ഹൈകോടതിയുടെ നിര്‍ദേശം ശരിയല്ളെന്നും ഹരജിയില്‍ പറയുന്നു.

ഹരജി അടുത്ത വെള്ളിയാഴ്ച സാമൂഹ്യനീതി ബെഞ്ച് പരിഗണിക്കും.