ചീഫ് എന്‍ജിനീയര്‍മാരുടെ സസ്പെന്‍ഷന്‍: നിലപാടിലുറച്ച് ആഭ്യന്തരമന്ത്രി

തിരുവനന്തപുരം: പൊതുമരാമത്ത്, ജലവിഭവവകുപ്പ് ചീഫ് എന്‍ജിനീയര്‍മാരെ സസ്പെന്‍ഡ് ചെയ്ത ആഭ്യന്തരവകുപ്പിന്‍െറ നടപടി നിയമപരമാണെന്ന നിലപാടിലുറച്ച് ആഭ്യന്തരമന്ത്രി രമേശ് ചെന്നിത്തല.1994ലെ പൊതുഭരണവകുപ്പ് ഉത്തരവ്പ്രകാരം ആഭ്യന്തരവകുപ്പിന് ഉദ്യോഗസ്ഥരെ നേരിട്ട് സസ്പെന്‍ഡ് ചെയ്യാന്‍ അധികാരമുണ്ടെന്ന് മുഖ്യമന്ത്രിക്ക് നല്‍കിയ വിശദീകരണക്കുറിപ്പില്‍ അദ്ദേഹം വ്യക്തമാക്കി. ചട്ടവിരുദ്ധമായി ഒന്നും ചെയ്തിട്ടില്ല. അഴിമതി ഒരുകാരണവശാലും വെച്ചുപൊറുപ്പിക്കില്ല. ഉദ്യോഗസ്ഥരുടെ ഭാഗത്തുനിന്ന് വീഴ്ചയുണ്ടായെന്ന ഉത്തമബോധ്യത്തിന്‍െറ അടിസ്ഥാനത്തില്‍ കൈക്കൊണ്ട നടപടി ഉചിതമാണ്. അത് പിന്‍വലിക്കേണ്ട സാഹചര്യമില്ളെന്നും ചെന്നിത്തല വ്യക്തമാക്കി.