പുതിയ ഇടത്തരം വിഭാഗത്തെയും അഭിസംബോധന ചെയ്യണം -കാനം രാജേന്ദ്രന്‍

തിരുവനന്തപുരം: സമൂഹത്തില്‍ അഭിപ്രായം സൃഷ്ടിക്കുകയും പ്രചരിപ്പിക്കുകയും ചെയ്യുന്ന പുതിയ ഇടത്തരം വിഭാഗത്തെക്കൂടി ഇടതുപക്ഷ പ്രസ്ഥാനങ്ങള്‍ അഭിസംബോധന ചെയ്യണമെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. കേരള മഹിളാസംഘം സംഘടിപ്പിച്ച ‘സാമൂഹികക്ഷേമ നടപടികളില്‍ സര്‍ക്കാറിന്‍െറ പിന്മാറ്റ’മെന്ന സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. ആഗോളീകരണ സാമ്പത്തിക നയങ്ങളുടെ ഭാഗമായാണ് പുതിയ വിഭാഗം സൃഷ്ടിക്കപ്പെട്ടിരിക്കുന്നത്. ഏറ്റവും കൂടുതല്‍ തൊഴിലില്ലായ്മ നേരിടുന്ന സ്ത്രീകളുടെ പ്രശ്നം ഏറ്റെടുത്ത് പ്രക്ഷോഭം സംഘടിപ്പിക്കാന്‍ കഴിയണമെന്ന്  അദ്ദേഹം പറഞ്ഞു.