ആഭ്യന്തരമന്ത്രിക്കെതിരെ പരാതി നല്‍കിയിട്ടില്ല -ഇബ്രാഹിം കുഞ്ഞ്

തിരുവനന്തപുരം: ചീഫ് എഞ്ചിനീയര്‍മാരെ സസ്പെന്‍ഡ് ചെയ്ത വിഷയത്തില്‍  ആഭ്യന്തരമന്ത്രി രമേശ് ചെന്നിത്തലക്കെതിരെ മുഖ്യമന്ത്രിക്ക് പരാതി നല്‍കിയിട്ടില്ളെന്ന് പൊതുമരാമത്ത് വകുപ്പ് മന്ത്രി വി.കെ ഇബ്രാഹിം കുഞ്ഞ്. സസ്പെന്‍ഷനുണ്ടായപ്പോള്‍ ആഭ്യന്തരമന്ത്രിയോട് പറഞ്ഞ കാര്യങ്ങള്‍ തന്നെ മുഖ്യമന്ത്രിയെ കൂടി അറിയിക്കുക മാത്രമാണ് ചെയ്തത്. നടപടിക്രമങ്ങള്‍ പാലിക്കാത്തതില്‍ മാത്രമാണ് ആക്ഷേപം. ഇക്കാര്യം ആഭ്യന്തര മന്ത്രിയയെയും അറിയിച്ചിട്ടുണ്ട്. പ്രശ്നങ്ങള്‍ പരിഹരിക്കാമെന്ന് ആഭ്യന്തരമന്ത്രി ഉറപ്പ് നല്‍കിയിട്ടുണ്ടെന്നും മന്ത്രി മാധ്യമങ്ങളോട് പറഞ്ഞു.