മധു വധക്കേസ്: 18-ാം സാക്ഷിയും കൂറുമാറി

മണ്ണാർക്കാട്: അട്ടപ്പാടി മധു വധക്കേസിൽ 18-ാം സാക്ഷി കാളിമൂപ്പൻ കൂറുമാറി. അട്ടപ്പാടിയിലെ വനംവാച്ചറാണ് കാളിമൂപ്പൻ. ഇതോടെ കേസിൽ കൂറുമാറിയവരുടെ എണ്ണം എട്ടായി.

ഇന്നലെയാണ് കേസിലെ 17ാം സാക്ഷിയായ ജോളി കൂറുമാറിയത്.

മണ്ണാർക്കാട് ജില്ല സ്പെഷൽ കോടതി ജഡ്ജി കെ.എം. രതീഷ് കുമാറാണ് കേസ് പരിഗണിക്കുന്നത്. പ്രോസിക്യൂഷന് അനുകൂലമായി മൊഴി നൽകിയ സുരേഷിന്‍റെ എതിർ വിസ്താരം പൂർത്തിയായി. 119 സാക്ഷികളാണ് കേസിലുള്ളത്.