ചെണ്ടമേളത്തി​െൻറ മറവിൽ കള്ളക്കടത്ത്​; ബസിൽനിന്ന്​ 1750 ലിറ്റർ സ്​പിരിറ്റ്​ പിടികൂടി

ആലപ്പുഴ: ചേർത്തലയിൽ വൻ സ്പിരിറ്റുവേട്ട. ചേർത്തല റെയിൽവേ സ്​റ്റേഷ​ൻ ഭാഗത്തുനിന്നും മിനി ബസിൽ 35 ലിറ്ററി​െൻറ 50 കന്നാസുകളിലായി കടത്തിയ 1750 ലിറ്റർ സ്പിരിറ്റ്‌ പിടികൂടി. ആലപ്പുഴ എക്സൈസ് ഡെപ്യൂട്ടി കമീഷണർക്ക് ലഭിച്ച രഹസ്യ വിവരത്തി​െൻറ അടിസ്ഥാനത്തിൽ ആലപ്പുഴ എക്സൈസ് എൻഫോഴ്‌സ്‌മെൻറ്​ ആൻഡ്​ ആൻറി നാർക്കോട്ടിക് സ്പെഷൽ സ്‌ക്വാഡ് സി.​െഎ ആർ. ബിജുകുമാറും പാർട്ടിയും നടത്തിയ റെയ്​ഡിലാണ്​ ഇവ പിടികൂടിയത്​.

ചെണ്ടമേളം പരിപാടിയുടെ ഉപകരണങ്ങൾ എന്ന വ്യാജേനയുള്ള സ്പിരിറ്റ്‌ കടത്താണ് എക്സൈസ് സംഘം തകർത്തത്. എക്സൈസ് ഇൻസ്‌പെക്ടർ കെ. അജയൻ, പ്രിവൻറിവ് ഓഫിസർ എൻ. പ്രസന്നൻ, കെ. ജയകൃഷ്ണൻ, സിവിൽ എക്സൈസ് ഓഫിസർമാരായ എച്ച്​. മുസ്തഫ, എൻ.പി. അരുൺ, ടി.ഡി. ദീപു, എസ്​. ജിനു, വി. പ്രമോദ്, വർഗീസ് പയസ്, ഡ്രൈവർ കെ.പി. ബിജു എന്നിവർ പങ്കെടുത്തു.