Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightബിന്ദു വ്യാജസ്വർണം...

ബിന്ദു വ്യാജസ്വർണം പണയം വെച്ചത്​ 45 തവണയായി; ബാങ്ക്​ ജീവനക്കാർക്കും പങ്കുള്ളതായി പൊലീസ്​

text_fields
bookmark_border
ബിന്ദു വ്യാജസ്വർണം പണയം വെച്ചത്​ 45 തവണയായി; ബാങ്ക്​ ജീവനക്കാർക്കും പങ്കുള്ളതായി പൊലീസ്​
cancel

കോഴിക്കോട്​​: മുക്കുപണ്ടം പണയം വെച്ച്​ പണംതട്ടുന്നത്​ അത്ര പുതുമയുള്ള കേസല്ലെങ്കിലും കോഴിക്കോ​ട്ടെ യൂണിയൻ ബാങ്കിൽ നടന്ന തട്ടിപ്പി​െൻറ വ്യാപ്​തി ബാങ്കിങ്​ മേഖലയെ തന്നെ ഞെട്ടിച്ചിരിക്കുകയാണ്​. 45 തവണയായി 5.600 കിലോ ഗ്രാം മുക്കുപണ്ടമാണ്​ തട്ടിപ്പിന്​ നേതൃത്വം കൊടുത്ത ബിസിനസ്​ സംരംഭക വയനാട്​ ഇരുളം മണവയൽ അങ്ങാടിശ്ശേരി പുതിയേടത്ത്​ വീട്ടിൽ കെ.കെ. ബിന്ദു (43)​ പണയം വെച്ചത്​.

ബാങ്ക്​ ​കെട്ടിടത്തിനു​ താഴെയും കോർട്ട്​ റോഡിലുമായി റെഡിമെയ്​ഡ്​ കട, മെസ്​ ഹൗസ്​, ബ്യൂട്ടിപാർലർ, ടെയ്​ലറിങ്​ യൂനിറ്റ്​​ തുടങ്ങിയ സ്​ഥാപനങ്ങൾ നടത്തുകയാണ്​ ബിന്ദു. ബാങ്ക്​ ജീവനക്കാരുമായുള്ള സൗഹൃദം മുതലെടുത്താണ്​ ഇവർ വ്യാജസ്വർണം നൽകി 1.69 കോടി രൂപ വായ്​പയെടുത്തത്​​.

10​ ശതമാനം വരെ സ്വർണത്തി​െൻറ അംശമുള്ള ആഭരണങ്ങളാണ്​ തട്ടിപ്പിന്​ ഉപയോഗിച്ചത്​. വളകളും മാലകളുമായിരുന്നു ഇതിൽ ഏറെയും. തൃശൂരിൽനിന്നാണ്​ ഈ വ്യാജസ്വർണം എത്തിച്ചതെന്ന്​ പ്രതി മൊഴി നൽകി​. ഇവയുടെ നിർമാതാക്കളെക്കുറിച്ചും ബാങ്ക്​ ജീവനക്കാരുടെ പങ്കിനെക്കുറിച്ചും അന്വേഷണം നടത്തുമെന്ന്​ പൊലീസ്​ പറഞ്ഞു.

പി.എം താജ്​ റോഡിലെ യൂണിയൻ ബാങ്ക്​ ശാഖയിൽ 2020 ​ഫെബ്രുവരി മുതൽ നവംബർ 24 വരെയാണ്​ തട്ടിപ്പ്​ നടന്നത്​. മൊത്തം 1,69,51,385 രൂപ കൈപ്പറ്റി​. 20 തവണ ബിന്ദു തന്നെയാണ്​ പണയം​െവച്ചത്​. ബാക്കിയുള്ളത്​ ത​​െൻറ സ്​ഥാപനത്തിലെ ജീവനക്കാരുടെ അക്കൗണ്ട്​ വഴിയായിരുന്നു​വെന്നാണ് അന്വേഷണത്തിൽ കണ്ടെത്തിയത്​. ​ബാങ്കി​െൻറ ഓഡിറ്റിങ്​ വിഭാഗം നടത്തിയ പരിശോധനയിലാണ്​ തട്ടിപ്പ്​ ശ്രദ്ധയിൽപെട്ടത്​. തുടർന്ന്​ നൽകിയ പരാതിയിൽ ടൗൺ പൊലീസ്​ അന്വേഷണം നടത്തി പ്രതിയെ പിടികൂടുകയായിരുന്നു.

പണയംവെക്കുന്ന സ്വർണം പരിശോധിക്കുന്ന അപ്രൈസർക്കും തട്ടിപ്പിൽ ബന്ധമുള്ളതായി സംശയമുണ്ട്​. ബാങ്ക്​ മാ​നേജറെയും ​കടയിലെ ജീവനക്കാരെയും െപാലീസ്​ ചോദ്യംചെയ്യും. നഗരത്തിലെ ഫ്ലാറ്റിലാണ്​ ബിന്ദു താമസിച്ചിരുന്നത്​. ഇവിടെ നിന്നും ബിന്ദുവി​െൻറ കടകളിൽനിന്നും വ്യാജസ്വർണം പിടിച്ചെടുത്തിട്ടുണ്ട്. നേരത്തേ, ചിട്ടി തട്ടിപ്പ്​ കേസിൽ പ്രതിയായിരുന്ന ബിന്ദു ജാമ്യത്തിലിറങ്ങിയതാണ്​. ടൗൺ ഇൻസ്​പെക്​ടർ എ. ഉമേഷ്​ അറസ്​റ്റ്​ ചെയ്​ത പ്രതിയെ കോടതി റിമാൻഡ്​ ചെയ്​തു. വിവിധയിടങ്ങളിലെ തെളിവെടുപ്പിനായി കസ്​റ്റഡിയിൽ വാങ്ങാൻ അ​േപക്ഷ നൽകുമെന്ന്​ അന്വേഷണ ഉദ്യോഗസ്​ഥൻ അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Crime Newsbank fraudloan fraud
Next Story