സം​സ്ഥാ​ന​ത്ത്​ കോ​വി​ഡ്​ മൂ​ലം മരിച്ചത്​ 166 കുട്ടികൾ

തി​രു​വ​ന​ന്ത​പു​രം: മ​ഹാ​മാ​രി​യു​ടെ മൂ​ന്നാം ത​രം​ഗം പി​ന്നി​ടു​​​മ്പോ​ൾ സം​സ്ഥാ​ന​ത്ത്​ കോ​വി​ഡ്​ മൂ​ലം മ​രി​ച്ച​ത്​ 18 വ​യ​സ്സി​ന്​ താ​ഴെ​യു​ള്ള 166 പേ​ർ. 59 ആ​രോ​ഗ്യ​പ്ര​വ​ർ​ത്ത​ക​രും കോ​വി​ഡി​ന്​ കീ​ഴ​ട​ങ്ങി​യ​താ​യി ആ​രോ​ഗ്യ​വ​കു​പ്പി​ന്‍റെ ക​ണ​ക്കു​ക​ൾ വ്യ​ക്ത​മാ​ക്കു​ന്നു. കു​ട്ടി​ക​ളു​ടെ മ​ര​ണം ഏ​റ്റ​വും കൂ​ടു​ത​ൽ റി​പ്പോ​ർ​ട്ട്​ ചെ​യ്ത​ത്​ കോ​ഴി​ക്കോ​ട്ടാ​ണ് ​-20 പേ​ർ. അ​ഞ്ച്​​ മ​ര​ണം റി​പ്പോ​ർ​ട്ട് ചെ​യ്​​ത പ​ത്ത​നം​തി​ട്ട​യി​ലാ​ണ്​ ഏ​റ്റ​വും കു​റ​വ്.

ഏ​റ്റ​വും പ്രാ​യം കു​റ​ഞ്ഞ കോ​വി​ഡ് മ​ര​ണം തി​രു​വ​ന​ന്ത​പു​ര​ത്താ​ണ്. നെ​ടു​ങ്കാ​ട് ത​ളി​യി​ൽ മൂ​ന്നു മാ​സം പ്രാ​യ​മു​ള്ള കു​ഞ്ഞാ​ണ്​ മ​രി​ച്ച​ത്. ആ​രോ​ഗ്യ​പ്ര​വ​ർ​ത്ത​ക​രു​ടെ മ​ര​ണ​ത്തി​ൽ മു​ന്നി​ൽ തി​രു​വ​ന​ന്ത​പു​ര​മാ​ണ്. 14 പേ​രാ​ണ്​ ത​ല​സ്ഥാ​ന​ത്ത്​ കോ​വി​ഡി​ന്​ കീ​ഴ​ട​ങ്ങി​യ​ത്.

ഇ​ടു​ക്കി ഒ​ഴി​കെ മ​റ്റ്​ ജി​ല്ല​ക​ളി​ലെ​ല്ലാം മ​ര​ണം റി​പ്പോ​ർ​ട്ട്​ ചെ​യ്തി​ട്ടു​ണ്ട്. ഫെ​ബ്രു​വ​രി 27 വ​രെ സം​സ്ഥാ​ന​ത്ത്​ ഇ​തു​വ​രെ ആ​കെ 65,223 മ​ര​ണ​മാ​ണ്​ കോ​വി​ഡ്​ മൂ​ല​മെ​ന്ന്​ സ്ഥി​രീ​ക​രി​ച്ച​ത്. ഇ​തി​ൽ 51,108 കു​ടും​ബ​ങ്ങ​ൾ​ക്ക്​ കോ​വി​ഡ്​ ധ​ന​ഹാ​യം ന​ൽ​കി.

കോ​വി​ഡ്​ മ​ര​ണ നി​ർ​ണ​യം തു​ട​ക്ക​ത്തി​ൽ സം​സ്ഥാ​ന സ​ർ​ക്കാ​റി​ന്​ ക​ടു​ത്ത ത​ല​വേ​ദ​ന​യാ​യി​രു​ന്നു. പ​രാ​തി വ്യാ​പ​ക​മാ​യ​തോ​ടെ ര​ണ്ടാം പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ ശേ​ഷം ആ​ദ്യ​ഘ​ട്ട​ത്തി​​ലെ 3779 മ​ര​ണം​​ കൂ​ടി കോ​വി​ഡ്​ പ​ട്ടി​ക​യി​ൽ ഉ​ൾ​പ്പെ​ടു​ത്തി.

നെ​ഗ​റ്റി​വാ​യി ഒ​രു​മാ​സ​ത്തി​ന​കം മ​രി​ച്ചാ​ലും കോ​വി​ഡ്​ മ​ര​ണ​മാ​യി പ​രി​ഗ​ണി​ക്ക​ണ​മെ​ന്ന സു​പ്രീം​കോ​ട​തി നി​ർ​ദേ​ശ​ത്തെ തു​ട​ർ​ന്ന്​ 24,474 മ​ര​ണം പു​തു​താ​യി ഉ​ൾ​പ്പെ​ടു​ത്തി. അ​തേ സ​മ​യം പ​ഴ​യ ക​ണ​ക്ക്​ കൂ​ട്ടി​ച്ചേ​ർ​ക്കു​ന്ന​തി​നി​ടെ, ഇ​ര​ട്ടി​പ്പു​ണ്ടാ​യ​ത്​ ക​ണ​ക്കു​ക​ളി​ലെ സു​താ​ര്യ​ത​യു​ടെ കാ​ര്യ​ത്തി​ൽ വീ​ണ്ടും സം​ശ​യ​മു​യ​ർ​ത്തു​ക​യാ​ണ്.

2020 ജ​നു​വ​രി 30നും 2021 ​ജൂ​ൺ 18നും ​ഇ​ട​യി​ൽ സ്ഥി​രീ​ക​രി​ച്ച 527 മ​ര​ണ​ങ്ങ​ളാ​ണ്​ ഇ​ര​ട്ടി​പ്പാ​ണെ​ന്ന്​ ക​ണ്ടെ​ത്തി​യ​ത്. ഉ​ന്ന​ത​ത​ല​ത്തി​ലു​ണ്ടാ​യ വീ​ഴ്​​ച ഡി.​എം.​ഒ​മാ​രു​ടെ ചു​മ​ലി​ൽ കെ​ട്ടി​​യേ​ൽ​പി​ക്കു​ന്ന​തി​ന്‍റെ ഭാ​ഗ​മാ​യി​ ഇ​വ​ർ​ക്ക്​ മെ​മ്മോ ന​ൽ​കി​യ​തോ​ടെ​യാ​ണ്​ വീ​ഴ്​​ച പു​റ​ത്തു​വ​ന്ന​ത്.

18 വ​യ​സ്സി​ന്​ താ​ഴെ​യു​ള്ള​വ​രു​ടെ മ​ര​ണം ജി​ല്ല തി​രി​ച്ച്​

ജി​ല്ല മരണം

തി​രു​വ​ന​ന്ത​പു​രം 13

കൊ​ല്ലം 15

പ​ത്ത​നം​തി​ട്ട 05

ആ​ല​പ്പു​ഴ 10

കോ​ട്ട​യം 08

ഇ​ടു​ക്കി 06

എ​റ​ണാ​കു​ളം 09

തൃ​ശൂ​ർ 14

പാ​ല​ക്കാ​ട് 13​

മ​ല​പ്പു​റം 18

കോ​ഴി​ക്കോ​ട് 20​

വ​യ​നാ​ട്​ 07

ക​ണ്ണൂ​ർ 19

കാ​സ​ർ​കോ​ട് 09​