1600 കോടി രൂപയുടെ നിക്ഷേപ തട്ടിപ്പ്: പോപുലർ ഫിനാൻസ് ഉടമയെയും മകളെയും ഇ.ഡി അറസ്റ്റ്​ ചെയ്​തു

കൊച്ചി: 1600 കോടി രൂപയുടെ നിക്ഷേപ തട്ടിപ്പ് നടത്തി മുങ്ങിയ പോപുലർ ഫിനാൻസ് ഉടമയെയും മകളെയും എൻഫോഴ്സ്മെൻറ് സംഘം (ഇ.ഡി)വിളിച്ചുവരുത്തി അറസ്​റ്റ്​ ചെയ്തു. പോപുലർ ഫിനാൻസ് എം.ഡി തോമസ് ഡാനിയൽ, മകളും സി.ഇ.ഒയുമായ റിനു മറിയം എന്നിവരെയാണ് കൊച്ചിയിലെ ഓഫിസിലേക്ക് ചോദ്യം ചെയ്യാൻ വിളിച്ചു വരുത്തിയശേഷം രാത്രി പത്തോടെ അറസ്​റ്റ്​ ചെയ്തത്. പ്രതികളെ ചൊവ്വാഴ്ച ഉച്ചക്കുശേഷം എറണാകുളം സി.ജെ.എം കോടതിയിൽ ഹാജരാക്കും.

സാമ്പത്തിക ക്രമക്കേടിലും ബിനാമി ഇടപാടിലും ആണ് ഇ.ഡി അന്വേഷണം നടത്തുന്നത്. കേസിൽ തോമസ് ഡാനി​േയലി​െൻറ ഭാര്യ പ്രഭ, മറ്റ്​ രണ്ട് പെൺമക്കൾ എന്നിവർക്കെതിരെയും അന്വേഷണം നടക്കുന്നുണ്ട്. തട്ടിയെടുത്ത പണം ദു​ൈബ, ആസ്ട്രേലിയ എന്നിവിടങ്ങളിൽ നിക്ഷേപിച്ചതായും കണ്ടെത്തിയിരുന്നു.

ബിനാമി ഇടപാടുകൾക്കും നിധി കമ്പനിയിലേക്കും നിക്ഷേപത്തുക വിനിയോഗിച്ചതായി കണ്ടെത്തിയതിനെത്തുടർന്നാണ് ചോദ്യം ചെയ്യലിന് വിളിച്ചുവരുത്തിയത്. സംസ്ഥാനത്താകെ 1363 കേസാണ്​ പോപുലർ ഫിനാൻസ് തട്ടിപ്പിൽ പൊലീസ് രജിസ്​റ്റർ ചെയ്തിരുന്നത്.

തട്ടിയെടുത്ത പണം രാജ്യത്തിന്​ പുറത്തും അകത്തും ബിനാമി നിക്ഷേപം ആയി പ്രതികൾ സൂക്ഷിച്ചിട്ടുണ്ടെന്നാണ് ഇ.ഡിയുടെ കണ്ടെത്തൽ. കേസിൽ സി.ബി.ഐയുടെ അന്വേഷണം തുടരുകയാണ്.

അ​ര​ല​ക്ഷ​ത്തി​ല​ധി​കം നി​ക്ഷേ​പ​ക​രി​ൽ​നി​ന്നും ക​ണ​ക്കി​ൽ​പ്പെ​ട്ട 2000 കോ​ടി​യും നി​ക്ഷേ​പ​ക​ർ പ​ണ​യം​വെ​ച്ച സ്വ​ർ​ണം വീ​ണ്ടും പ​ണ​യം​െ​വ​ച്ച് 80 കോ​ടി​യി​ല​ധി​കം രൂ​പ​യാ​ണ് പോ​പു​ല​ർ ഫി​നാ​ൻ​സ് ഉ​ട​മ​ക​ളാ​യ റോ​യി ഡാ​നി​യേ​ൽ, ഭാ​ര്യ പ്ര​ഭ തോ​മ​സ്, മ​ക്ക​ളാ​യ ഡോ. ​റീ​നു​മ​റി​യം തോ​മ​സ്, റി​യ ആ​ൻ തോ​മ​സ്, റേ​ബ മേ​രി തോ​മ​സ് എ​ന്നി​വ​ർ ചേ​ർ​ന്ന് ത​ട്ടി​യെ​ടു​ത്ത​ത്. 2014 മു​ത​ൽ ന​ട​ത്തി​യ ഗൂ​ഢാ​ലോ​ച​ന​യി​ലൂ​ടെ കേ​ര​ളം ക​ണ്ട വ​ലി​യ സാ​മ്പ​ത്തി​ക ത​ട്ടി​പ്പാ​ണ്​ കു​ടും​ബം ന​ട​ത്തി​യ​ത്.

സാ​മ്പ​ത്തി​ക ത​ട്ടി​പ്പി​ൽ റി​യ ഒ​ഴി​കെ ബാ​ക്കി​യു​ള്ള​വ​രുമായി കേ​ര​ളം, ത​മി​ഴ്നാ​ട്, ആ​ന്ധ്ര, ക​ർ​ണാ​ട​ക എ​ന്നി​വി​ട​ങ്ങ​ളി​ൽ ന​ട​ത്തി​യ തെ​ളി​വെ​ടു​പ്പി​ൽ ത​ട്ടി​പ്പി​െൻറ വ​ലി​യ വ്യാ​പ്തി അ​ന്വേ​ഷ​ണ​സം​ഘം ക​ണ്ടെ​ത്തി​യി​രുന്നു. ത​മി​ഴ്നാ​ട്ടി​ൽ 48 ഏ​ക്ക​ർ, ആ​ന്ധ്ര 22 ഏ​ക്ക​ർ, തി​രു​വ​ന​ന്ത​പു​ര​ത്ത് മൂ​ന്ന്​ വി​ല്ല​ക​ൾ, തൃ​ശൂ​ർ, പു​ണെ എ​ന്നി​വി​ട​ങ്ങ​ളി​ൽ ആ​ഡം​ബ​ര ഫ്ലാ​റ്റു​ക​ൾ എ​ന്നി​വ അ​ന്വേ​ഷ​ണ​സം​ഘം ക​ണ്ടെ​ത്തി​യി​ട്ടു​ണ്ട്.