എണ്ണാമെങ്കിൽ എണ്ണിക്കോ; ആറളം ഫാമിനെ കിടുക്കുന്ന ആനക്കഥ -video

കേളകം: ആറളം വന്യജീവി സങ്കേതത്തില്‍ നിന്നെത്തി ആറളം ഫാമിലും ആദിവാസി പുനരധിവാസ മേഖലയിലും കൃഷിയിടത്തിലുമായി തമ്പടിച്ച 16 കാട്ടാനകളെ വനത്തിലേക്ക് തുരത്തി. ആനക്കൂട്ടത്തെ വനത്തിലേക്ക് തിരിച്ചയക്കാനുള്ള ദൗത്യവുമായി വനം വകുപ്പിന്റെ തീവ്രയജ്ഞ പരിപാടി തുടരുകയാണ്​.

വ്യാഴാഴ്ച്ച നടത്തിയ സാഹസിക പരിശ്രമത്തിൽ 16 കാട്ടാനകളെ കോട്ടപ്പാറ വഴി വനത്തിലേക്ക് കടത്തി വിട്ടതായി വനം വകുപ്പ് ദൗത്യ സംഘം അറിയിച്ചു. ആറളം, കൊട്ടിയൂർ വനപാലകരുടെ നേതൃത്വത്തിൽ റാപ്പിഡ് റസ്പോൺസ് ടീം ഉൾപ്പെടെയുള്ള വനപാലക സംഘമാണ് കാട്ടാന തുരത്തലിനായി രംഗത്തുള്ളത്.