സർക്കാർ പ്രചാരണത്തിന്​ സ്വകാര്യ ഏജൻസിക്ക്​ 1.51 കോടിയുടെ കരാർ

തിരുവനന്തപുരം: സംസ്​ഥാന സർക്കാറിന്‍റെ പ്രവർത്തനങ്ങൾ സോഷ്യൽ മീഡിയയയിൽ പ്രചരിപ്പിക്കുന്നതിന്​ സ്വകാര്യ ഏജൻസിയുമായി കരാർ. കർണാടക ആസ്​ഥാനമായ കൺസപ്​റ്റ്​ കമ്യൂണിക്കേഷൻ എന്ന പി.ആർ കമ്പനിയെയാണ്​ നിയമിച്ചത്​. 1.51 കോടി രൂപയാണ്​ ഇവർക്കുള്ള പ്രതിഫലം. തെരഞ്ഞെടുപ്പ്​ പെരുമാറ്റച്ചട്ടം പുറത്തിറങ്ങിയ ഫെബ്രുവരി 26നാണ്​ ഇതുസംബന്ധിച്ച ഉത്തരവ്​ പുറപ്പെടുവിച്ചത്​.

സർക്കാറിൻെറ പ്രവർത്തനം ദേശീയ തലത്തിൽ സോഷ്യൽ മീഡിയയിൽ പ്രചരിപ്പിക്കാനാണ്​ കരാർ. ഇതുസംബന്ധിച്ച്​ ടെൻഡർ വിളിച്ചപ്പോൾ മൂന്ന്​ കമ്പനികളാണ്​ അപേക്ഷിച്ചത്​. ഇതിൽ സകുറ സൊലൂഷൻ എന്ന കമ്പനി നിബന്ധനകൾ പാലിക്കുന്നതിൽ പരാജയപ്പെട്ടു. മറ്റൊരു കമ്പനിയായ ആഡ്​ ഇന്ത്യ അഡ്വൈർ​ൈട്ടസേഴ്​സ്​ എന്ന കമ്പനി ഉയർന്ന തുകയാണ്​ ആവശ്യപ്പെട്ടതെന്നും ഉത്തരവിൽ പറയുന്നു. ഒടുവിൽ ഏറ്റവും കുറഞ്ഞ തുകയായ 1,51,23000 രൂപ രേഖപ്പെടുത്തിയ കൺസപ്​റ്റ്​ കമ്യൂണിക്കേഷന്​ കരാർ നൽകുകയായിരുന്നു. വിദഗ്​ധ സമിതി മുമ്പാകെ അവതരിപ്പിച്ച പ്രസ​േന്‍റഷന്​ ലഭിച്ച മാർക്കും ഫിനാൻഷ്യൽ സ്​കോറും പരിഗണിച്ചാണ്​ കൺസപ്​റ്റിനെ പരിഗണിച്ചത്​.

മുഖ്യമന്ത്രിയുടെ കീഴിലുള്ള ഇൻഫർമേഷൻ ആൻഡ്​ വകുപ്പാണ്​ ഇവരുടെ പ്രവർത്തനം നിയന്ത്രിക്കുക.