ആസ്​പിൻവാൾ കമ്പനിക്ക്​ പാട്ടത്തിന്​ നൽകിയ കൊച്ചിയിലെ 13.91 ഏക്കർ ഭൂമി തിരിച്ചെടുക്കുന്നു

തി​രു​വ​ന​ന്ത​പു​രം: ആ​സ്പി​ൻ​വാ​ൾ ക​മ്പ​നി​ക്ക് 1912 ൽ ​പാ​ട്ട​ത്തി​ന് ന​ൽ​കി​യ ഭൂ​മി സ​ർ​ക്കാ​ർ തി​രി​ച്ചെ​ടു​ക്കു​ന്നു. എ​റ​ണാ​കു​ളം ഫോ​ർ​ട്ട് കൊ​ച്ചി വി​ല്ലേ​ജി​ലെ രാ​മ​ൻ​തു​രു​ത്തി​ലു​ള്ള 13.91 ഏ​ക്ക​ർ ഭൂ​മി​യാ​ണ് തി​രി​ച്ചെ​ടു​ക്കാ​ൻ റ​വ​ന്യൂ പ്രി​ൻ​സി​പ്പ​ൽ സെ​ക്ര​ട്ട​റി ഡോ. ​എ. ജ​യ​തി​ല​ക് ഉ​ത്ത​ര​വി​ട്ട​ത്. ഈ ​ഭൂ​മി ബ്രി​ട്ടീ​ഷ് സ​ർ​ക്കാ​ർ 1912 സെ​പ്റ്റം​ബ​ർ അ​ഞ്ചി​ലെ ഉ​ത്ത​ര​വ് പ്ര​കാ​ര​മാ​ണ്​ പ്ര​തി​വ​ർ​ഷം 1100 രൂ​പ​ക്ക്​ ആ​സ്പി​ൻ​വാ​ൾ ക​യ​ർ ക​മ്പ​നി​ക്ക് പാ​ട്ട​ത്തി​ന് ന​ൽ​കി​യ​ത്.

ഭൂ​മി കൊ​ച്ചി​ൻ പോ​ർ​ട്ട് ട്ര​സ്​​റ്റി​ന്​ കൈ​മാ​റ​ണ​മെ​ന്ന് ആ​വ​ശ്യ​പ്പെ​ട്ട് ട്ര​സ്​​റ്റ്​ ചെ​യ​ർ​മാ​ൻ 2018 ന​വം​ബ​ർ 14ന് ​ക​ത്തു ന​ൽ​കി​യി​രു​ന്നു. തു​ട​ർ​ന്നാ​ണ് റ​വ​ന്യൂ​വ​കു​പ്പ് ന​ട​പ​ടി തു​ട​ങ്ങി​യ​ത്. പ​രി​ശോ​ധ​ന​യി​ൽ പാ​ട്ട​ത്തി​ന് ന​ൽ​കി​യ 13.91 ഏ​ക്ക​റി​ൽ ആ​സ്പി​ൻ​വാ​ൾ ക​മ്പ​നി 30 സെൻറ് ഭൂ​മി മ​റ്റൊ​രു വ്യ​ക്തി​ക്ക് പാ​ട്ട വ്യ​വ​സ്ഥ​ക​ൾ ലം​ഘി​ച്ച് ബോ​ട്ട് യാ​ർ​ഡ് നി​ർ​മി​ക്കു​ന്ന​തി​ന് ന​ൽ​കി​യ​ത് ക​ണ്ടെ​ത്തി. പാ​ട്ട​വ്യ​വ​സ്ഥ ലം​ഘി​ച്ച സാ​ഹ​ച​ര്യ​ത്തി​ൽ ക​രാ​ർ റ​ദ്ദാ​ക്കി, ഭൂ​മി സ​ർ​ക്കാ​റി​ലേ​ക്ക് തി​രി​ച്ചെ​ടു​ക്കാ​ൻ ഉ​ത്ത​ര​വാ​യി​രു​ന്നു.

എ​ന്നാ​ൽ, ക​യ​ർ​ക​മ്പ​നി ജീ​വ​ന​ക്കാ​രാ​യ അ​ഞ്ച് കു​ടും​ബ​ങ്ങ​ൾ ഇ​വി​ടെ 25 സെൻറ്​ സ്ഥ​ല​ത്ത് ഏ​റെ​ക്കാ​ല​മാ​യി താ​മ​സി​ക്കു​ന്ന​ത്​ ത​ട​സ്സ​മാ​യി. ഭൂ​മി സ​ർ​ക്കാ​ർ ഏ​റ്റെ​ടു​ക്കു​ന്നെ​ങ്കി​ൽ ഇൗ ​കു​ടും​ബ​ങ്ങ​ൾ​ക്ക് പു​ന​ര​ധി​വാ​സ​ത്തി​നാ​യി മ​റ്റേ​തെ​ങ്കി​ലും ഭൂ​മി ന​ൽ​ക​ണ​മെ​ന്ന് ലാ​ൻ​ഡ്​ റ​വ​ന്യൂ ക​മീ​ഷ​ണ​ർ 2019 ആ​ഗ​സ്​​റ്റ്​ 20ന്​ ​ക​ത്തു​ന​ൽ​കി. ഇൗ ​കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കാ​ൻ ന​ട​പ​ടി സ്വീ​ക​രി​ച്ച്​ ഭൂ​മി തി​രി​ച്ചെ​ടു​ക്കാ​നാ​ണ്​ റ​വ​ന്യൂ പ്രി​ൻ​സി​പ്പ​ൽ സെ​ക്ര​ട്ട​റി​യു​ടെ ഉ​ത്ത​ര​വ്.