രാ​ഹു​ൽ മാ​ങ്കൂ​ട്ട​ത്തി​ലും അ​ബി​ൻ വ​ർ​ക്കി​യും മു​ഖ്യ എ​തി​രാ​ളി​ക​ൾ; യൂത്ത്​ കോ​ൺഗ്രസ്​ പ്രസിഡന്‍റാവാൻ 13 പേർ

തി​രു​വ​ന​ന്ത​പു​രം: യൂ​ത്ത് കോ​ൺ​ഗ്ര​സ് തെ​ര​ഞ്ഞെ​ടു​പ്പി​ന്​ നാ​മ​നി​ർ​ദേ​ശ പ​ത്രി​ക​ക​ളു​ടെ സൂ​ക്ഷ്മ​പ​രി​ശോ​ധ​ന പൂ​ർ​ത്തി​യാ​യ​പ്പോ​ൾ സം​സ്ഥാ​ന പ്ര​സി​ഡ​ന്റ് സ്ഥാ​ന​ത്തേ​ക്ക് മ​ത്സ​ര​രം​ഗ​ത്ത് 13 പേ​ർ. എ ​ഗ്രൂ​പ്പി​ന്റെ സ്ഥാ​നാ​ർ​ഥി രാ​ഹു​ൽ മാ​ങ്കൂ​ട്ട​ത്തി​ലും ഐ ​ഗ്രൂ​പ് പ്ര​തി​നി​ധി അ​ബി​ൻ വ​ർ​ക്കി​യു​മാ​ണ് മു​ഖ്യ എ​തി​രാ​ളി​ക​ൾ. എ ​ഗ്രൂ​പ്പി​ന്റെ ഔ​ദ്യോ​ഗി​ക തീ​രു​മാ​ന​ത്തി​നെ​തി​രെ ഉ​മ്മ​ൻ ചാ​ണ്ടി അ​നു​യാ​യി​ക​ളെ​ന്ന​വ​കാ​ശ​പ്പെ​ട്ട് രം​ഗ​ത്തെ​ത്തി​യ വി​മ​ത യു​വ​നി​ര രം​ഗ​ത്തി​റ​ക്കി​യ മൂ​ന്നു​പേ​രും മൂ​ന്ന്​ വ​നി​ത​ക​ളും മൂ​ന്ന്​ പ​ട്ടി​ക​വി​ഭാ​ഗ​ക്കാ​രും മ​ത്സ​ര​രം​ഗ​ത്തു​ണ്ട്.

രാ​ഹു​ൽ മാ​ങ്കൂ​ട്ട​ത്തി​ൽ, അ​ബി​ൻ വ​ർ​ക്കി, വി​ഷ്ണു സു​നി​ൽ, ദു​ൽ​ഖി​തി​ൽ, എ​സ്.​പി. അ​നീ​ഷ്, അ​ഡ്വ. ആ​ബി​ദ​ലി, അ​നൂ​പ് താ​ജ്, വീ​ണ എ​സ്. നാ​യ​ർ, അ​രി​ത ബാ​ബു, ശി​ബി​ന, ഒ.​ജെ. ജ​നീ​ഷ്, വൈ​ശാ​ഖ്, എ​സ്.​കെ. പ്രേം​രാ​ജ് എ​ന്നി​വ​രാ​ണ്‌ സ്ഥാ​നാ​ർ​ഥി​ക​ൾ. സ്വ​ന്തം നി​ല​ക്ക്​ പ​ത്രി​ക ന​ൽ​കി​യ ജാ​സ് പോ​ത്ത​ന്റെ പ​ത്രി​ക സൂ​ക്ഷ്മ​പ​രി​ശോ​ധ​ന​യി​ൽ ത​ള്ളി. മ​ത്സ​രി​ക്കു​ന്ന​വ​രി​ൽ ഒ​രാ​ൾ പ്ര​സി​ഡ​ന്റാ​വും. ശേ​ഷി​ക്കു​ന്ന​വ​രി​ൽ​നി​ന്ന് ഒ​മ്പ​ത് പേ​ർ ല​ഭി​ച്ച വോ​ട്ടു​ക​ളു​ടെ​യും സം​വ​ര​ണ​ത​ത്ത്വ​ങ്ങ​ളു​ടെ​യും അ​ടി​സ്ഥാ​ന​ത്തി​ൽ വൈ​സ് പ്ര​സി​ഡ​ന്റു​മാ​രാ​വും.

ഇ​ത്ത​വ​ണ വ​രു​ത്തി​യ മാ​റ്റ​മ​നു​സ​രി​ച്ച് ഏ​റ്റ​വു​മ​ധി​കം വോ​ട്ട് നേ​ടു​ന്ന മൂ​ന്നു​പേ​രെ ദേ​ശീ​യ​നേ​തൃ​ത്വം ഡ​ൽ​ഹി​യി​ലേ​ക്ക് വി​ളി​പ്പി​ച്ച് അ​ഭി​മു​ഖം ന​ട​ത്തി​യാ​ണ് പ്ര​സി​ഡ​ന്റി​നെ പ്ര​ഖ്യാ​പി​ക്കു​ക. ജൂ​ൺ 28 മു​ത​ൽ ജൂ​ലൈ 28 വ​രെ​യാ​ണ് അം​ഗ​ത്വ​വി​ത​ര​ണ​വും വോ​ട്ടെ​ടു​പ്പും ഒ​രു​മി​ച്ച് ന​ട​ക്കു​ക. പ്ര​സി​ഡ​ന്റ്, ജ​ന​റ​ൽ​സെ​ക്ര​ട്ട​റി, ജി​ല്ല പ്ര​സി​ഡ​ന്റ്, ജി​ല്ല ജ​ന​റ​ൽ സെ​ക്ര​ട്ട​റി, ബ്ലോ​ക്ക് പ്ര​സി​ഡ​ന്റ്, മ​ണ്ഡ​ലം പ്ര​സി​ഡ​ന്റ് സ്ഥാ​ന​ങ്ങ​ളി​ലേ​ക്ക് ഒ​രാ​ൾ​ക്ക് ആ​റ്​ വോ​ട്ടാ​ണു​ള്ള​ത്.